మనసు పదిలం గుండె పైలం!

ఎప్పుడూ ఆందోళనగా ఉంటున్నారా..? లేక డిప్రెషన్‌ బాధిస్తున్నదా? అయితే, మీ గుండె జాగ్రత్త అని హెచ్చరిస్తున్నాయి పరిశోధనలు. పొగతాగడం వల్ల గుండెకు ఎంత హాని ఉంటుందో, డిప్రెషన్‌ వల్ల కూడా అంతే నష్టం ఉందంటున్నది ఓ కొత్త పరిశోధన.

ఎప్పుడూ ఆందోళనగా ఉంటున్నారా..? లేక డిప్రెషన్‌ బాధిస్తున్నదా? అయితే, మీ గుండె జాగ్రత్త అని హెచ్చరిస్తున్నాయి పరిశోధనలు. పొగతాగడం వల్ల గుండెకు ఎంత హాని ఉంటుందో, డిప్రెషన్‌ వల్ల కూడా అంతే నష్టం ఉందంటున్నది ఓ కొత్త పరిశోధన. అందుకే మానసిక కుంగుబాటును తేలిగ్గా తీసుకోవద్దని సూచిస్తున్నారు. ఆందోళన లేదా డిప్రెషన్‌ ఎక్కువగా ఉన్నవాళ్ల గుండె లయ తప్పే ప్రమాదం 65 శాతం అధికం. వీరిలో పక్షవాతం వచ్చే ఆస్కారం 64 శాతం, అధిక రక్తపోటు రిస్క్‌ 50 శాతం, ఆర్థరైటిస్‌ ముప్పు 87 శాతం అధికమని ఈ అధ్యయనంలో తేలింది.

పొగతాగేవాళ్లు, స్థూలకాయుల్లో కూడా దాదాపుగా ఇంతే రిస్కు ఉంటుంది. అధిక ఒత్తిడి, డిప్రెషన్‌ ఉన్నవాళ్లలో తలనొప్పి, జీర్ణ సమస్యలు, నడుము నొప్పి, ఊపిరి తీసుకోవడంలో ఇబ్బందులు కూడా ఉంటాయని ఈ అధ్యయనంలో తేలింది. అందుకే మనసు ఆరోగ్యంపై దృష్టి పెట్టాలని, మదిలో అలజడి రేగితే మానసిక చికిత్స తీసుకోవడానికి వెనుకాడవద్దని సూచిస్తున్నారు పరిశోధకులు.