Health Tips : వైన్‌తో ఈ సైడ్ఎఫెక్ట్స్ త‌ప్ప‌వంటున్న వైద్య నిపుణులు!

Health Tips : రోజుకు రెండు మూడు గ్లాసుల వైన్ గుండె ఆరోగ్యానికి మంచిద‌ని, ఇందులో ఉండే యాంటీఆక్సిడెంట్ల‌తో ఆరోగ్యానికి మేలు క‌లుగుతుంద‌ని కొన్ని అధ్య‌య‌నాలు చెబుతున్నాయి.

Health Tips : రోజుకు రెండు మూడు గ్లాసుల వైన్ గుండె ఆరోగ్యానికి మంచిద‌ని, ఇందులో ఉండే యాంటీఆక్సిడెంట్ల‌తో ఆరోగ్యానికి మేలు క‌లుగుతుంద‌ని కొన్ని అధ్య‌య‌నాలు చెబుతున్నాయి. వైన్‌తో దీర్ఘాయువూ సొంత‌మ‌వుతుంద‌ని కొంద‌రు చెబుతున్నా మ‌ద్యంతో ఆరోగ్యానికి ముప్పు త‌ప్ప‌ద‌ని మ‌రికొంద‌రు వైద్య నిపుణులు హెచ్చ‌రిస్తున్నారు. వైన్‌తో ముంచుకొచ్చే సైడ్ ఎఫెక్ట్స్ గురించీ తెలుసుకోవాల‌ని వారంటున్నారు.

వైన్‌లో ఉండే యాంటీఆక్సిడెంట్ల‌తో క్యాన్స‌ర్ ముప్పు త‌గ్గుతుంద‌ని భావిస్తుంటారు. అయితే అనాల్స్ ఆఫ్ ఎపిడెమాల‌జీలో ప్ర‌చురిత‌మైన అధ్య‌య‌నం రోజుకు ఒక‌ట్రెండు గ్లాసుల వైన్ తీసుకుంటే బ్రెస్ట్ క్యాన్స‌ర్ ముప్పు 30 నుంచి 50 శాతం పెరుగుతుంద‌ని వెల్ల‌డించింది. వైన్‌తో గుండె జ‌బ్బుల ముప్పు అధిక‌మ‌ని చెబుతున్నారు.

రోజూ మ‌ద్యం తీసుకుంటే గుండె జ‌బ్బుల ముప్పు 16 శాతం పెరుగుతుంద‌ని యూరోపియ‌న్ హార్ట్ జ‌ర్న‌ల్‌లో ప్ర‌చురిత‌మైన అధ్య‌య‌నం తెలిపింది. కాలేయ స‌మ‌స్య‌లు కూడా మ‌ద్యంతో అధిక‌మ‌వుతాయి. ఫ్యాటీ లివ‌ర్‌, సిరోసిస్ వంటి వ్యాధుల ముప్పు పెరుగుతుంద‌ని యూరోపియ‌న్ అసోసియేష‌న్ ఫ‌ర్ ది స్ట‌డీ ఆఫ్ లివ‌ర్‌లో ప్ర‌చురిత‌మైన అధ్య‌య‌నం తెలిపింది. మ‌ద్యం తీసుకోవ‌డం ద్వారా నిద్ర‌లేమి, కుంగుబాటు కూడా బాధిస్తాయ‌ని పేర్కొంది.