Crime | అక్రమంగా త‌ర‌లిస్తున్న గంజాయి ప‌ట్టివేత‌, ఇద్దరి అరెస్ట్‌

మెహిదీపట్నం : అక్రమంగా గంజాయిని తరలిస్తున్న ఇద్దరిని హబీబ్‌నగర్‌ పోలీసులు అరెస్ట్‌ చేసి రిమాండ్‌కు తరలించారు. ఇన్‌స్పెక్టర్‌ నరేందర్‌ కథనం ప్రకారం….మంగళ్‌హాట్‌ మచిలీపురాకు చెందిన జె అనిల్‌సింగ్ (47), జె శంకర్‌సింగ్‌(42) మంగళవారం ఉదయం సీతారాంబాగ్‌ ఫ్రెండ్స్​‍ కేఫ్‌ ప్రాంతం నుంచి అనుమానాస్పద స్థితిలో నడుచుకుంటూ వెళ్తుండగా పోలీసులు వారిని పట్టుకుని సోదా చేశారు.

వారి వద్ద ఉన్న ట్రావెల్స్​‍ బ్యాగులలో రెండు కిలోల రెండు వందల యాభై గ్రాముల గంజాయి లభ్యమైంది. ఇద్దరిని అరెస్ట్ చేసి రిమాండ్‌కు తరలించి గంజాయిని స్వాధీనం చేసుకున్నారు. ఈ కేసును హబీబ్‌నగర్‌ పోలీసులు దర్యాప్తు చేస్తున్నారు.