QR Code Scam | క్యూఆర్ కోడ్ స్కామ్ బారిన‌ప‌డ‌కుండా ఉండాలంటే..!

క్యూఆర్ కోడ్ (QR Code Scam) స్కాన్ చేసే విష‌యంలో ప్ర‌జ‌లు అప్ర‌మ‌త్తంగా ఉండాల‌ని పోలీసులు, సైబ‌ర్ నిపుణులు హెచ్చ‌రిస్తున్నారు. బాధితుల నుంచి డ‌బ్బు కాజేసేందుకు స్కామ‌ర్లు న‌కిలీ క్యూఆర్ కోడ్స్ క్రియేట్ చేసి అమ‌యాకుల‌ను అడ్డంగా దోచేస్తున్నారు.

న్యూఢిల్లీ : క్యూఆర్ కోడ్ (QR Code Scam) స్కాన్ చేసే విష‌యంలో ప్ర‌జ‌లు అప్ర‌మ‌త్తంగా ఉండాల‌ని పోలీసులు, సైబ‌ర్ నిపుణులు హెచ్చ‌రిస్తున్నారు. బాధితుల నుంచి డ‌బ్బు కాజేసేందుకు స్కామ‌ర్లు న‌కిలీ క్యూఆర్ కోడ్స్ క్రియేట్ చేసి అమ‌యాకుల‌ను అడ్డంగా దోచేస్తున్నారు. పేమెంట్ రిసీవ్ చేసుకునే క్ర‌మంలో స్కామ‌ర్లు పంపిన న‌కిలీ క్యూఆర్ కోడ్‌ను స్కాన్ చేసి ప‌లువురు మోస‌పోతున్న ఘ‌ట‌న‌లు వెలుగుచూస్తున్నాయి.

స్కామ‌ర్లు పంపిన కోడ్‌ను స్కాన్ చేసి ఓటీపీ ఎంట‌ర్ చేయ‌గానే త‌మ ఖాతాల నుంచి డ‌బ్బు డిడ‌క్ట్ అయిన మెసేజ్‌లు వస్తుండ‌టంతో బాధితులు గ‌గ్గోలు పెడుతున్నారు. క్యూఆర్ కోడ్స్ దైనందిన జీవితంలో పేమెంట్స్‌కు అనివార్యం కావ‌డంతో సైబ‌ర్ నేర‌గాళ్లు దీన్ని అవ‌కాశంంగా మలుచుకుని ఆన్‌లైన్ వేదిక‌గా చెల‌రేగుతున్నారు. ఇక క్యూఆర్ కోడ్ స్కామ్ బారిన‌ప‌డ‌కుండా ఉండాలంటే జాగ్ర‌త్త‌లు త‌ప్ప‌నిస‌రిగా పాటించాల‌ని సైబ‌ర్ నిపుణులు సూచిస్తున్నారు.

మీ యూపీఐ ఐడీ, బ్యాంక్ ఖాతా వివ‌రాలు, ఓటీపీ కొత్త వ్య‌క్తుల‌తో పంచుకోరాదు. ఇక క్యూఆర్ కోడ్స్ ముఖ్యంగా డ‌బ్బు పంప‌డానికే కానీ రిసీవ్ చేసుకోవ‌డానికి కాద‌ని గుర్తించాలి. అప్ప‌టికే ఉన్న కోడ్స్‌పై అతికించిన స్టిక్క‌ర్లు వంటి అనుమానిత క్యూఆర్ కోడ్స్‌ను అవాయిడ్ చేయాలి. ఆన్‌లైన్ వేదిక‌ల‌పై పేమెంట్ చేసే ముందు విక్రేతకు సంబంధించిన వివ‌రాల‌ను ప‌రిశీలించాలి. అవ‌స‌ర‌మైతే త‌ప్ప మీ మొబైల్ నెంబ‌ర్ వివ‌రాల‌ను షేర్ చేయ‌రాదు.

Read More :

Pindam Movie | గర్భిణీ స్త్రీలు ఈ సినిమా చూడవద్దన్న సెన్సార్ బోర్డు.!