వాట్సాప్ గ్రూప్‌లో అశ్లీల వీడియో షేర్ చేసిన అధికారిపై వేటు

అధికారిక వాట్సాప్ గ్రూప్‌లో అశ్లీల వీడియో షేర్ చేసిన ఎక్సైజ్ అధికారిని స‌స్పెండ్ చేసిన ఉదంతం మ‌ధ్య‌ప్ర‌దేశ్‌లోని ఖండ్వాలో వెలుగుచూసింది.

భోపాల్ : అధికారిక వాట్సాప్ గ్రూప్‌లో అశ్లీల వీడియో షేర్ చేసిన ఎక్సైజ్ అధికారిని స‌స్పెండ్ చేసిన ఉదంతం మ‌ధ్య‌ప్ర‌దేశ్‌లోని ఖండ్వాలో వెలుగుచూసింది. డిపార్ట్‌మెంట్ నుంచి ఫిర్యాదు అంద‌డంతో అసిస్టెంట్ డిస్ట్రిక్ట్ అధికారి ఆర్‌పీ అహిర్వ‌ర్‌ను జిల్లా ఎక్సైజ్ అధికారి వికాస్ మంద్లోలి స‌స్పెండ్ చేశారు.

ఎక్సైజ్ శాఖ అధికారిక వాట్సాప్ గ్రూప్‌లో ఆర్‌పి అహిర్వ‌ర్ మే 23న అశ్లీల వీడియోను షేర్ చేశార‌ని, 24 గంట‌ల త‌ర్వాత వీడియోను డిలీట్ చేశార‌ని మంద్లోలి తెలిపారు. గ్రూప్‌లో ఉన్న మ‌హిళా ఉద్యోగులు అభ్యంత‌ర‌క‌ర వీడియోపై క‌లెక్ట‌ర్‌కు పిర్యాదు చేశార‌ని చెప్పారు. శాఖాప‌ర‌మైన విచార‌ణ‌లో అహిర్వ‌ర్ త‌ప్పు చేసిన‌ట్టు వెల్ల‌డికావ‌డంతో అభ్యంత‌ర‌క‌ర ప్ర‌వ‌ర్త‌న‌పై ఆయ‌న‌ను స‌స్పెండ్ చేశామ‌ని చెప్పారు.

మ‌రోవైపు కుట్ర‌పూరితంగా త‌న‌ను ఈ వ్య‌వ‌హారంలో ఇరికించార‌ని నిందితుడు వాపోయాడు. అభ్యంత‌ర‌క‌ర వీడియోను తాను పోస్ట్ చేయ‌లేద‌ని, తాను ఆఫీస్‌లోని రెస్ట్‌రూంకు వెళ్లిన స‌మ‌యంలో త‌న ఫోన్ నుంచి మ‌రొక వ్య‌క్తి వీడియోను షేర్ చేశాడ‌ని ఆయ‌న చెప్పుకొచ్చాడు.