కిడ్నాప్ అయిన కుమార్తెను… ‘టేకెన్’ సినిమా తరహాలో రక్షించిన తండ్రి
ముంబై: కిడ్నాప్ అయిన కుమార్తెను ‘టేకెన్’ సినిమా తరహాలో ఆమె తండ్రి రక్షించాడు. మహారాష్ట్ర రాజధాని ముంబైలో ఈ సంఘటన జరిగింది. 24 ఏళ్ల షాహిద్ ఖాన్, బాంద్రాలోని గార్మెంట్స్ తయారీ కర్మాగారంలో పని చేస్తున్నాడు. ఈ నెల 4న అదే ప్రాంతానికి చెందిన 12 ఏళ్ల బాలికను కిడ్నాప్ చేశాడు. షాపింగ్ కోసం తనతో రావాలని ఆమెను పిలిచాడు. దీంతో పని ఉన్నదని ఇంట్లో చెప్పిన ఆ బాలిక, ఆ యువకుడి వెంట వెళ్లింది. అయితే ఆ యువకుడు ఆమెను కుర్లాకు తీసుకెళ్లాడు. అక్కడి నుంచి సూరత్ వెళ్లే బస్సు ఎక్కారు. అనంతరం రైలులో ఢిల్లీ చేరుకున్నారు. ఆ తర్వాత ఉత్తరప్రదేశ్ అలీఘడ్ సమీపంలోని ఐత్రోలి గ్రామానికి ఆ బాలికను అతడు తీసుకెళ్లాడు.
మరోవైపు ఇంటి నుంచి బయటకు వెళ్లిన కుమార్తె తిరిగి రాకపోవడంతో ఆమె తల్లిదండ్రులు ఆందోళన చెందారు. బాలిక కిడ్నాప్పై పోలీసులకు ఫిర్యాదు చేశారు. కాగా, రోజు వారీ కూలీ అయిన తండ్రి, తన కుమార్తె ఆచూకీ కనిపెట్టేందుకు ‘టేకెన్’ మూవీ తరహాలో చాలా ప్రయత్నించాడు. చుట్టుపక్కల వారిని, తెలిసిన వారిని ఆరా తీశాడు.
చివరకు షాహిద్ ఖాన్ తన గ్రామానికి బాలికను తీసుకెళ్లినట్లు ఆమె తండ్రి తెలుసుకున్నాడు. పోలీసులు, పొరుగువారి సహాయంతో నిందితుడి ఇంటి అడ్రస్, ఫోన్ నంబర్ సంపాదించాడు. యువకుడి కుటుంబ సభ్యులతో ఫోన్లో మాట్లాడాడు. అక్కడి స్థానికులు, పోలీసుల సహాయంతో కుమార్తెను రక్షించుకున్నాడు. నిందితుడు ఆమెపై బస్సులో లైంగిక దాడికి పాల్పడ్డాడని ఆరోపించి ఈ మేరకు కేసు నమోదు చేయాలని డిమాండ్ చేశాడు.
అయితే పోలీసులు కిడ్నాప్ సెక్షన్ కింద కేసు నమోదు చేశారు. బాలిక నుంచి స్టేట్మెంట్ రికార్డు చేసిన తర్వాత మరిన్ని సెక్షన్లు కలుపుతామని నిర్మల్ నగర్ పోలీసులు తెలిపారు.
Read Today's Latest Crime News in Telugu and Telugu News
RELATED ARTICLES
తాజా వార్తలు
KTR |కాంగ్రెస్ మోసాలను ప్రజలకు మరోసారి గుర్తు చేసిన కేటీఆర్
KTR | వరంగల్ అంటేనే ఒక ఉత్తేజం, ఒక ఉద్వేగం, ఉద్యమం : కేటీఆర్
AP News | అన్నాచెల్లెళ్ల మధ్య ముదురుతున్న వివాదం.. యలహంక ప్యాలెస్కు వైఎస్ షర్మిల..!
Watch: అసదుద్దీన్ ఒవైసీని సుప్రీంకోర్టు జడ్జిగా పొరబడిన పోలీసులు.. గౌరవ వందనం సమర్పణ
Donald Trump | దేశాధ్యక్షుడినైన నాకంటే ఆమెకు బిడ్డపైనే ప్రేమ ఎక్కువ.. కరోలిన్ లీవిట్ గురించి ట్రంప్ ఆసక్తికర వ్యాఖ్యలు..!
ట్రెండింగ్ వార్తలు
Watch: అసదుద్దీన్ ఒవైసీని సుప్రీంకోర్టు జడ్జిగా పొరబడిన పోలీసులు.. గౌరవ వందనం సమర్పణ
Watch: ఆసుపత్రిలో నిద్రిస్తున్న మహిళను వేధించిన వ్యక్తి.. తర్వాత ఏం జరిగిందంటే?
Watch: వైద్య విద్యార్థినిని.. కాలేజీ క్యాంపస్ నుంచి కిడ్నాప్ చేసిన కుటుంబ సభ్యులు, వీడియో వైరల్
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ

