ఎమ్మెల్యే రాజయ్య వ్యవసాయ క్షేత్రంలో భారీ అగ్ని ప్రమాదం

క్రైం న్యూస్‌ | స్టేషన్ ఘన్‌పూర్ ఎమ్మెల్యే తాటికొండ రాజయ్య వ్యవసాయ క్షేత్రంలో భారీ అగ్ని ప్రమాదం సంభవించింది.

May 29, 2021 / 08:55 PM IST

ఎమ్మెల్యే రాజయ్య వ్యవసాయ క్షేత్రంలో భారీ అగ్ని ప్రమాదం

జనగామ : స్టేషన్ ఘన్‌పూర్ ఎమ్మెల్యే తాటికొండ రాజయ్య వ్యవసాయ క్షేత్రంలో భారీ అగ్ని ప్రమాదం సంభవించింది. వివరాల్లోకి వెళ్తే..స్టేషన్ ఘన్‌పూర్ మండలం దేశాయితండా వద్ద గల ఎమ్మెల్యే రాజయ్య వ్యవసాయ క్షేత్రంలో ప్రమాదావశాత్తు భారీ అగ్నిప్రమాదం సంభవించింది. ఈ ప్రమాదంలో సుమారుగా 300 నుంచి 400 వరకు టేకు చెట్లు అగ్ని కీలలకు కాలి బూడిదయ్యాయి.

అగ్నిమాపక ఇంజన్స్ రావడం ఆలస్యం కావడంతో అప్పటికే జరగాల్సిన నష్టం జరిగింది. ఎమ్మెల్యే అధికారిక పర్యటనలో ఉన్నప్పుడు ప్రమాదం చోటు చేసుకుంది. విషయం తెలిసిన వెంటనే ఎమ్మెల్యే హుటాహుటిన ప్రమాద స్థలానికి చేరుకున్నారు. పూర్తి వివరాలు తెలియాల్సి ఉంది.