నలందాలో ఘోర రోడ్డు ప్రమాదం.. 8 మంది మృతి

నలందా| బీహార్‌లోని నలందా జిల్లాలో ఘోర రోడ్డు ప్రమాదం జరిగింది. నలందాలో వేగంగా దూసుకొచ్చిన ట్రక్కు రోడ్డు పక్కనే ఉన్న హోటల్‌లోకి దూసుకెళ్లింది. దీంతో

పట్నా‌: బీహార్‌లోని నలందా జిల్లాలో ఘోర రోడ్డు ప్రమాదం జరిగింది. నలందాలో వేగంగా దూసుకొచ్చిన ట్రక్కు రోడ్డు పక్కనే ఉన్న హోటల్‌లోకి దూసుకెళ్లింది. దీంతో ఘోటల్‌ సిబ్బందితో సహా 8 మంది మృతి చెందారు. మరికొంతమంది తీవ్రంగా గాయపడ్డారు. జహనాబాద్‌ జిల్లా నుంచి వస్తున్న ట్రక్కు అదుపుతప్పి టెల్హడా ప్రాంతంలోని హోటల్‌లోకి దూసుకెళ్లింది. ప్రమాదం తర్వాత డ్రైవర్‌ ట్రక్కును అక్కడే వదిలేసి పరారయ్యారు. ఘటనా స్థలానికి చేరిన పోలీసులు క్షతగాత్రులను సమీపంలోని దవాఖానకు తరలించారు. మృతుల్లో హోటల్‌ సిబ్బందితోపాటు కస్టమర్లు కూడా ఉన్నారని చెప్పారు.

ఈ ఘటనతో కోపోద్రిక్తులైన స్థానికులు ట్రక్కుకు నిప్పంటించారు. సహాయక చర్యలు చేపట్టేందుకు వచ్చిన పోలీసులపై రాళ్లు విసిరారు. దీంతో అక్కడ ఒక్కసారిగా ఉద్రిక్త వాతావరణం ఏర్పడింది. రోడ్డుప్రమాద ఘటనపై బీహార్‌ ముఖ్యమంత్రి నితీశ్‌ కుమార్‌ దిగ్భ్రాంతి వ్యక్తంచేశారు. మృతుల కుటుంబాలకు సానుభూతి తెలిపారు. బాధితులకు వెంటనే సాయం అందిచాలని అధికారులను ఆదేశించారు. మృతిచెందినవారి కుటుంబాలకు రూ.4 లక్షల చొప్పున నష్టపరిహారం ప్రకటించారు.

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి

ఇవికూడా చదవండి..

అలస్కాలో కుప్పకూలిన హెలికాప్టర్‌..

ప్రపంచ వాణిజ్యానికి ట్రాఫిక్‌ జామ్

లాక్‌డౌన్‌ దిశగా మహారాష్ట్ర

కుంకుమ పువ్వు గ‌ర్భిణుల‌కేనా?

తీరొక్క ఆప్షన్లతో ధరణి పోర్టల్‌