Fire accident | విద్యుత్​ షార్ట్​సర్క్యూట్​తో మిఠాయి దుకాణం ద‌గ్ధం

కవాడిగూడ : భోలక్‌పూర్‌ డివిజన్‌ బాకారం మెయిన్‌ రోడ్డులో గల ఓ స్వీట్‌ దుకాణం విద్యుత్​ షార్ట్​సర్క్యూట్​తో ద‌గ్ధమైంది. రాంరతన్‌ అనే వ్యాపారి బాకారంలో శ్రీ బాలాజీ రాంరతన్‌ మిఠాయి బండార్‌ పేరిట దుకాణాన్ని నిర్వ‌హిస్తు న్నాడు. రోజు మాదిరిగానే బుధవారం రాత్రి దుకాణాన్ని మూసివేసి ఇంటికి వెళ్లాడు. గురువారం తెల్లవారు జామున 4 గంటలకు దుకాణం నుంచి దట్టమైన పొగలు రావడంతో స్థానికులు గమనించి దుకాణం బోర్డుపై ఉన్న ఫోన్‌ నెంబర్‌కు ఫోన్‌ చేసి సమాచారం అందించారు.

రాంరతన్‌ దుకాణం వద్దకు వచ్చి వెంటనే అగ్నిమాపక శాఖ అధికారులకు సమాచారం అందించారు . వారు వ‌చ్చి మంటలను ఆర్పారు. అప్పటికే దుకాణంలో ఉన్న సామాగ్రి కాలిబూడిదైంది. సుమారు రూ. 10 లక్షలు ఆస్తి నష్టం జరిగిందని దుకాణ యజమాని రాంరతన్‌ తెలిపారు. షార్ట్​సర్క్యూట్​ వల్లనే అగ్ని ప్రమాదం జరిగిందని ఆయన పేర్కొన్నారు. ముషీరాబాద్‌ పోలీసులు కేసు నమోదు చేసుకొని దర్యాప్తు చేస్తున్నారు.