Butter Milk Recipe | స‌మ్మ‌ర్‌లో ఆరోగ్యానికి ఎంతో మేలు చేసే మ‌జ్జిగ‌ను ఇలా టేస్టీగా చేసుకోండి

Butter Milk Recipe | మజ్జిగ తాగితే రోగాలు దరిచేరవన్నది ఆయుర్వేదం హామీ. మజ్జిగ రుచికరమైన పానీయమే కాదు, అత్యంత ఆరోగ్యదాయకం కూడా. అనేక వ్యాధులను నయం చేయడంలో కీలక పాత్ర పోషిస్తుంది. జీర్ణ క్రియను మెరుగుపరుస్తుంది. వాత సంబంధ రుగ్మతలను తగ్గిస్తుంది. జీర్ణ సమస్యలు, పేగు వ్యాధులు, ఆకలి మందగించడం, రక్తహీనతకు మంచి ఔషధం కూడా.

కావలసిన పదార్థాలు

పెరుగు: పావు కప్పు, నీళ్లు: ఒక కప్పు, ఉప్పు: తగినంత, వేయించిన జీలకర్ర పొడి: అర టీస్పూన్‌,

గార్నిష్‌ చేసుకోవడానికి సరిపడా పుదీనా ఆకులు, కొత్తిమీర, కరివేపాకు. కావాలనుకుంటే తురిమిన అల్లం/ శొంఠిపొడి కూడా చేర్చుకోవచ్చు.

తయారీ విధానం

పావు కప్పు పెరుగును ఒక పాత్రలో తీసుకోవాలి. దానికి ఒక కప్పు నీళ్లు కలపాలి. ఉప్పు, వేయించిన జీలకర్ర పొడి కలిపి కవ్వంతో కానీ, హ్యాండ్‌ బ్లెండర్‌తో కానీ బాగా చిలకాలి. దానిని కొత్తిమీర, పుదీనా, కరివేపాకుతో గార్నిష్‌ చేసుకుంటే.. మండే ఎండల్లో చల్లదనాన్ని ఇచ్చే సహజసిద్ధ పానీయం సిద్ధమైపోతుంది. మజ్జిగ తాగడానికి మధ్యాహ్న భోజన సమయమే ఉత్తమమైనదని అంటారు.

Read More :

“ఈ డ్రింక్స్ తీసుకుంటే వ‌డ‌దెబ్బ నుంచి బ‌యట‌ప‌డొచ్చు..!

వేస‌విలో శ‌రీరాన్ని చల్లబరిచే ఈ పానీయాలు తీసుకోవాలి..!”

“Summer Food | స‌మ్మ‌ర్‌లో ఈ ఫుడ్ తింటే ఏమ‌వుతుందో తెలుసా”

“ఈ స‌మ్మ‌ర్‌లో షుగ‌ర్ పేషెంట్స్ ఇవి ట్రై చేయొచ్చు