చికెన్‌ ఆలూ కుర్మా తయారీ విధానం

Chicken Aloo Kurma Recipe |  కావలసిన పదార్థాలు

చికెన్‌: 500 గ్రా; ఆలుగడ్డ: ఒకటి (పెద్దది), టమాట: ఒకటి, పచ్చిమిర్చి: నాలుగు, కరివేపాకు: రెండు రెబ్బలు, ఉల్లిగడ్డ: ఒకటి, అల్లంవెల్లుల్లి పేస్ట్‌: ఒక టీస్పూన్‌, పసుపు: అర టీస్పూన్‌, ధనియాల పొడి, కారం: ఒక టీస్పూన్‌ చొప్పున, నూనె: అరకప్పు, పచ్చికొబ్బరి తురుము: అరకప్పు, జీడిపప్పు: పది, తర్బూజ గింజలు, గసగసాలు: ఒక టేబుల్‌స్పూన్‌ చొప్పున, కొత్తిమీర తురుము: కొద్దిగా, నిమ్మరసం: ఒక టీస్పూన్‌, గరం మసాలా: అర టీస్పూన్‌.

చికెన్‌ ఆలూ కుర్మా తయారీ విధానం

ముందుగా పచ్చికొబ్బరి, జీడిపప్పు, గసగసాలు, తర్బూజ గింజలను మెత్తగా పేస్ట్‌ చేసి పెట్టుకోవాలి. ఉల్లిగడ్డ, పచ్చిమిర్చి కూడా ముద్దగా చేసుకోవాలి. చికెన్‌ను బాగా కడిగి ఉప్పు, నిమ్మరసం కలిపిన నీళ్లలో గంటపాటు నానబెట్టాలి. కడాయిలో నూనె వేడయ్యాక.. కరివేపాకు, ఉల్లిగడ్డ, పచ్చిమిర్చి పేస్ట్‌, పసుపు, అల్లంవెల్లుల్లి పేస్ట్‌ వేసి పచ్చివాసన పోయేలా వేగాక.. తరిగిన టమాట ముక్కలు జోడించి మగ్గించాలి. కారం, ధనియాల పొడి, పచ్చికొబ్బరి మిశ్రమం, గరం మసాలా, తగినంత ఉప్పు వేసి బాగా కలిపి రెండు కప్పుల నీళ్లు పోసి ఐదు నిమిషాలు ఉడికించాలి. మిశ్రమం మరుగుతుంటే తరిగిన ఆలుగడ్డ ముక్కలు, నానబెట్టిన చికెన్‌ కలిపి.. మూతపెట్టి సన్నటిమంటపై అరగంటపాటు ఉడికించాలి. చివరగా కొత్తిమీర చల్లుకుని దించుకుంటే నోరూరించే చికెన్‌ ఆలూ కుర్మా సిద్ధం.

Read More :

broccoli tandoori recipe | బ్రొకోలీ తందూరీ తయారీ విధానం

Masala Macaroni recipe | మసాలా మ్యాకరోని తయారీ విధానం

Butter garlic chicken l బటర్‌ గార్లిక్‌ చికెన్‌ తయారీచేసే విధానం

chicken omlet recipe | చికెన్‌ ఆమ్లెట్ త‌యారీ విధానం