మిస్టర్‌ వర్క్‌ ఫ్రమ్‌ హోమ్‌

త్రిగుణ్‌, పాయల్‌ రాధాకృష్ణ, అనీష్‌ కురువిల్లా ప్రధాన పాత్రధారులుగా రూపొందుతున్న కామెడీ ఎంటర్‌టైనర్‌ ‘మిస్టర్‌ వర్క్‌ ఫ్రమ్‌ హోమ్‌'. మధుదీప్‌ చెలికాని దర్శకుడు.

త్రిగుణ్‌, పాయల్‌ రాధాకృష్ణ, అనీష్‌ కురువిల్లా ప్రధాన పాత్రధారులుగా రూపొందుతున్న కామెడీ ఎంటర్‌టైనర్‌ ‘మిస్టర్‌ వర్క్‌ ఫ్రమ్‌ హోమ్‌’. మధుదీప్‌ చెలికాని దర్శకుడు. అరవింద్‌ మండెం నిర్మాత. నిర్మాణ దశలో ఉన్న ఈ సినిమా త్వరలోనే విడుదల కానున్నది. ఈ సందర్భంగా ప్రచారం వేగవంతం చేశారు. ఇందులో భాగంగా ఈ సినిమాలోని కీలకమైన పాటని మేకర్స్‌ విడుదల చేశారు. అర్వింద్‌ మండెం రాసిన ఈ పాటను ప్రకాశ్‌ చెరుకూరి స్వరపరచగా, బాబా సెహగల్‌ తనదైన జోష్‌తో ఆలపించారు. వ్యవసాయం ప్రాముఖ్యత, మట్టివాసన గొప్పతనం, ఆధునిక టెక్నాలజీ ఆవశ్యకత.. వీటన్నింటినీ మిళితం చేస్తూ ఈ పాట సాహిత్యం సాగింది. యువతతోపాటు అన్ని వర్గాలకూ ఈ పాట కనెక్ట్‌ అవుతుందని మేకర్స్‌ నమ్మకంగా చెబుతున్నారు. శివాజీరాజా, హర్షవర్ధన్‌, సత్యకృష్ణన్‌, హర్ష చెముడు, నెల్లూరు సుదర్శన్‌, సివిఎల్‌ నరసింహారావు, గుండు సుదర్శన్‌, వేణు యల్దెండి, సప్తగిరి, గిరిధర్‌, సరయు, సత్తిపండు తదితరులు ఇతర పాత్రలు పోషిస్తున్న ఈ చిత్రానికి కెమెరా: రవికుమార్‌.వి, సమర్పణ: సి.హెచ్‌,వి.ఎస్‌.ఎన్‌.బాబ్జీ, నిర్మాణం: లోటస్‌ క్రియేటివ్‌ వర్క్స్‌.