ఆమే నా మొదటి భార్య

శృతి మించిన అభిమానం వల్ల చాలామంది స్టార్లు ఇబ్బందులు పడ్డ సందర్భాలు దేశంలో కోకొల్లలు. ఒకప్పుటి బాలీవుడ్‌ సూపర్‌స్టార్‌ రాజేష్‌ఖన్నా కారును లేడీ ఫ్యాన్స్‌ ముద్దులతో ముంచెత్తేవారట.

శృతి మించిన అభిమానం వల్ల చాలామంది స్టార్లు ఇబ్బందులు పడ్డ సందర్భాలు దేశంలో కోకొల్లలు. ఒకప్పుటి బాలీవుడ్‌ సూపర్‌స్టార్‌ రాజేష్‌ఖన్నా కారును లేడీ ఫ్యాన్స్‌ ముద్దులతో ముంచెత్తేవారట. ఆ కారు టైర్‌ గుర్తులున్న మట్టిని తీసి బొట్టు పెట్టుకునేవారట. కెరీర్‌ తొలినాళ్లలో బాలీవుడ్‌ అగ్రహీరో రణ్‌బీర్‌ కపూర్‌కి కూడా ఇలాంటి అనుభవమే ఎదురైందట. ఈ విషయాన్ని ఆయనే స్వయంగా ఓ ఇంటర్వ్యూలో తెలియజేశారు. ‘నాకు ఫస్ట్‌నుంచీ లేడీ ఫ్యాన్స్‌ కాస్త ఎక్కువే. కెరీర్‌ తొలినాళ్లలో ఓ మహిళా అభిమాని.. రోజూ మా ఇంటి ముందుకొచ్చి నిలబడేదట. ఓ రోజు నేను ఇంట్లో లేని సమయం చూసి, ఓ పురోహితుడ్ని తీసుకొచ్చి మా ఇంటి గేట్‌ని పెళ్లి చేసేసుకుందట. గేట్‌కు పువ్వులు, బొట్టు పెట్టింది. నేను ఊరు నుంచి రాగానే ఈ విషయాన్ని మా వాచ్‌మ్యాన్‌ నాకు చెప్పాడు. దాంతో ఆశ్చర్యపోయాను. ఓ విధంగా చూసుకుంటే ఆమె నా మొదటిభార్య. అయితే నేను ఇప్పటివరకూ ఆమెను చూడలేదు. తనను కలిసే రోజు కోసం ఎదురుచూస్తున్న’ అని సరదాగా చెప్పుకొచ్చారు రణ్‌బీర్‌.