Waltair Veerayya | వాల్తేరు వీరయ్య సెకండ్‌ సింగిల్‌ రీలీజ్‌.. గ్రేసింగ్‌ స్టెప్స్‌తో చిరు మాస్‌..!

ప్రస్తుతం మెగాస్టార్‌ను వరుస వైఫల్యాలు వెంబటిస్తున్నాయి. ‘ఖైదీ నం.150’తో గ్రాండ్‌గా రీ ఎంట్రీ ఇచ్చిన చిరుకు ‘సైరా’, ‘ఆచార్య’ ఫలితాలు తీవ్రంగా నిరాశపరిచాయి. ఇటీవలే భారీ అంచనాల నడుమ రిలీజైన ‘గాడ్‌ఫాదర్’ పాజిటీవ్‌ టాక్‌ తెచ్చుకుంది..

Waltair Veerayya Second Single | మెగాస్టార్‌ చిరంజీవి ప్రస్తుతం మెగా కంబ్యాక్‌ కోసం ఎదురు చూస్తున్నాడు. ‘ఖైదీ నం.150’తో గ్రాండ్‌గా రీ ఎంట్రీ ఇచ్చిన చిరుకు ‘సైరా’, ‘ఆచార్య’ ఫలితాలు తీవ్రంగా నిరాశపరిచాయి. ఇటీవలే భారీ అంచనాల నడుమ రిలీజైన ‘గాడ్‌ఫాదర్’ పాజిటీవ్‌ టాక్‌ తెచ్చుకుంది.. కానీ బాక్సాఫీస్‌ దగ్గర బ్రేక్ ఈవెన్‌ సాధించలేకపోయింది. ఇలా వరుసగా మూడు సినిమాలు బాక్సాఫీస్‌ దగ్గర బోల్తా కొట్టడంతో మెగాస్టార్‌ తీవ్రంగా నిరాశపడ్డాడు. ప్రస్తుతం చిరు ఆశలన్ని ‘వాల్తేరు వీరయ్య’ సినిమా పైనే ఉన్నాయి. బాబీ దర్శకత్వం వహిస్తున్న ఈ చిత్రం ప్రస్తుతం షూటింగ్‌ జరుపుకుంటుంది. ఈ సినిమా సంక్రాంతి కానుకగా వచ్చే ఏడాది జనవరి 13న ప్రేక్షకులు మందుకు రానుంది. ఈ క్రమంలో మేకర్స్‌ వరుస అప్‌డేట్‌లు ప్రకటిస్తూ ప్రేక్షకులలో క్యూరియాసిటీ క్రియేట్‌ చేస్తున్నారు. తాజాగా మేకర్స్‌ ఈ మూవీ సెకండ్‌ సింగిల్‌ రిలీజ్‌ చేసింది.

‘శ్రీదేవీ చిరంజీవి’ అంటూ సాగే ఈ మెలోడీయస్‌ బీట్ సాంగ్‌ ప్రేక్షకులను విపరీతంగా ఆకట్టుకుంటుంది. దేవీ శ్రీ ప్రసాద్‌ స్వర పరిచిన ఈ పాటను జస్‌ప్రీట్‌ జాస్జ్‌, సమీరా భరద్వాజ్‌ ఆలపించారు. మంచులో విజువల్స్‌ ఆకట్టుకుంటున్నాయి. ‘ఖైదీ నెం.150’ తర్వాత చిరు తన సిగ్నేచర్‌ స్టెప్స్‌తో ఆకట్టుకున్నాడు. ఇప్పటికే రిలీజైన ‘బాస్‌ పార్టీ’ సాంగ్‌కు విశేష స్పందన వచ్చింది. యాక్షన్‌ ఎంటర్‌టైనర్‌గా తెరకెక్కిన ఈ చిత్రాన్ని మైత్రీ సంస్థ నిర్మిస్తుంది. రవితేజ కీలకపాత్రలో నటిస్తున్న ఈ సినిమాలో చిరుకు జోడీగా శృతిహాసన్‌ నటిస్తుంది.