నాగబంధం కోసం..

1750 నేపథ్యంలో మైథలాజికల్‌ యాక్షన్‌ డ్రామాగా రూపొందుతున్న చిత్రం ‘నాగబంధం’. విరాట్‌కర్ణ కథానాయకుడిగా నటిస్తున్న ఈ చిత్రానికి అభిషేక్‌ నామా దర్శకత్వం వహిస్తున్నారు.

1750 నేపథ్యంలో మైథలాజికల్‌ యాక్షన్‌ డ్రామాగా రూపొందుతున్న చిత్రం ‘నాగబంధం’. విరాట్‌కర్ణ కథానాయకుడిగా నటిస్తున్న ఈ చిత్రానికి అభిషేక్‌ నామా దర్శకత్వం వహిస్తున్నారు. ఈ నెల 15న మహాశివరాత్రి సందర్భంగా అగ్ర హీరో మహేష్‌బాబు టీజర్‌ను విడుదల చేయబోతున్నారు. 1750 నాటి ఈ కథలో నాగబంధం సంప్రదాయంతో ముడిపడి ఉన్న పురాతన రహస్యాలను అద్భుతంగా ఆవిష్కరించారని, విజువల్స్‌ కట్టిపడేస్తాయని, వెండితెరపై ప్రేక్షకులు ఓ సరికొత్త ప్రపంచాన్ని వీక్షించిన అనుభూతికి లోనవుతారని చిత్రబృందం పేర్కొంది.

ఇప్పటికే విడుదల చేసిన ప్రచార చిత్రాలకు మంచి స్పందన లభిస్తున్నదని నిర్మాత తెలిపారు. ఈ చిత్రానికి కెమెరా: సౌందర్‌ రాజన్‌, సంగీతం: అభే, జునైద్‌ కుమార్‌, నిర్మాతలు: కిషోర్‌ అన్నపురెడ్డి, నిషిత నాగిరెడ్డి, కథ, స్క్రీన్‌ప్లే, దర్శకత్వం: అభిషేక్‌ నామా.