Kiran Abbavaram | కిరణ్ అబ్బవరం చుట్టూ పోటీ వ్యూహం..!
టాలీవుడ్ యంగ్ హీరో కిరణ్ అబ్బవరం ఫలితం ఎలా ఉన్నా వరుసగా సినిమాలను సెట్స్ మీదకు తీసుకెళ్తున్నాడు. కెరీర్ మొదట్లో వరుస హిట్లతో మంచి స్పీడ్ చూపించి
Vinaro Bhagyamu Vishnu Katha Movie | టాలీవుడ్ యంగ్ హీరో కిరణ్ అబ్బవరం ఫలితం ఎలా ఉన్నా వరుసగా సినిమాలను సెట్స్ మీదకు తీసుకెళ్తున్నాడు. కెరీర్ మొదట్లో వరుస హిట్లతో మంచి స్పీడ్ చూపించిన కిరణ్.. ఈ మధ్య కాస్త డల్ అయ్యాడు. గత రెండేళ్ళుగా హిట్టుకు దూరమయ్యాడు. గతేడాది కిరణ్ ఏకంగా మూడు సినిమాలు రిలీజ్ చేస్తే అందులో ఏ ఒక్కటి కూడా ప్రేక్షకులను ఆకట్టుకోలేకపోయింది. ప్రస్తుతం కిరణ్ కెరీర్ ప్రశ్నార్థకంగా మారింది. ఆయనకు ఇప్పుడు హిట్టు చాలా అవసరం. అంతేకాకుండా ఆయన మార్కెట్ కూడా చాలా వరకు తగ్గిపోయింది. ప్రస్తుతం కిరణ్ ఆశలన్నీ ‘వినరో భాగ్యము విష్ణుకథా’ సినిమాపైనే ఉన్నాయి. ఇప్పటికే రిలీజైన టీజర్, పాటలు కాస్త బజ్ క్రియేట్ చేశాయి. కానీ ప్రేక్షకుల్లోకి ఈ సినిమా వెళ్లాలంటే ఆ బజ్ సరిపోదు. ప్రమోషన్స్లో స్పీడ్ పెంచాలి.
ఈ సినిమాను మహా శివరాత్రి కానుకగా ఫిబ్రవరి 17న ప్రేక్షకులు ముందుకు తీసుకురానున్నట్లు చిత్రబృందం గతంలోనే ప్రకటించింది. అయితే ఈ సినిమా చుట్టూ పెద్ద పోటీ వ్యూహమే ఉంది. అదే రోజున సమంత ‘శాకుంతలం’ విడుదల కాబోతుంది. ‘యశోద’ వంటి బ్లాక్బస్టర్ తర్వాత సమంత నుండి వస్తున్న సినిమా కావడంతో శాకుంతలంపై ప్రేక్షకుల్లో భారీ అంచనాలే ఉన్నాయి. పైగా ఈ సినిమాకు గుణశేఖర్ దర్శకుడు. ఇప్పటికే రిలీజైన ట్రైలర్ కూడా అంచనాలను రెట్టింపు చేశాయి. ఇవన్నీ పక్కన పెడితే ఈ సినిమాను దిల్రాజు రిలీజ్ చేస్తున్నాడు. దాంతో ఈ సినిమాకు అధిక శాతంలో థియేటర్లు దొరుకుతాయి.
ఇక అదే రోజున ధనుష్ ‘సార్’ కూడా రిలీజ్ కానుంది. ‘తిరు’తోనే తెలుగులో దాదాపు రూ.10 కోట్ల రేంజ్లో కలెక్షన్లు రాబట్టిన ధనుష్ ఈ సారి స్ట్రేయిట్గా తెలుగు సినిమాతోనే ప్రేక్షకుల ముందుకు రానున్నాడు. దాంతో ఈ సినిమాపై కూడా మంచి అంచనాలే నెలకొన్నాయి. దీనితో పాటుగా విశ్వక్ సేన్ ‘దాస్ కా ధమ్కీ’ కూడా ఫిబ్రవరి 17నే రిలీజ్ కానుంది. ఈ సినిమా రిలీజ్ను విశ్వక్ పెద్ద లెవల్లో ప్లాన్ చేస్తున్నాడని టాక్. అంతేకాకుండా బయ్యర్లు కూడా ఈ సినిమాను కొనడానికి తీవ్ర ఆసక్తిని చూపిస్తున్నారట. ఎందుకంటే టాలీవుడ్లో విశ్వక్ ఇప్పుడు మినిమం గ్యారెంటీ హీరో. ఆయన సినిమాలు లాభాలు తెచ్చిపెట్టకపోయినా, నష్టాలు మాత్రం తీసుకురావని నిర్మాతలు చెబుతున్నారు. అంతేకాకుండా ఇప్పటికే రిలీజైన ట్రైలర్లు, పాటలు ఈ మూవీపై విపరీతమైన బజ్ను క్రియేట్ చేశాయి.
ఇక ఇన్నీ పెద్ద సినిమాల మధ్య కిరణ్ సినిమా రిలీజ్ కాబోతుందంటే ఏ లెవల్లో ప్రమోషన్స్ ఉండాలి? కానీ చిత్రయూనిట్ ప్రమోషన్ల విషయంలో నత్తనడక సాగిస్తుంది. ప్రమోషన్లలో స్పీడ్ పెంచకపోతే ఈ సినిమా హిట్టవడం కష్టమే. మురళీ కిషోర్ అబ్బూరు దర్శకత్వం వహిస్తున్న ఈ సినిమాను జీఏ2 పిక్చర్స్ సంస్థ నిర్మిస్తుంది. కాగా ఈ మధ్య ఈ సంస్థ నుండి వస్తున్న సినిమాలన్నీ బాక్సాఫీస్ దగ్గర బోల్తా కొడుతున్నాయి. మరీ ఈ సినిమా అయినా కిరణ్ వైఫల్యాలకు బ్రేక్ వేస్తుందో లేదో చూడాలి.
Read Today's Latest Cinema News in Telugu and Telugu News
RELATED ARTICLES
తాజా వార్తలు
KCR | తెలంగాణ ఒక నిఖార్సయిన ఉద్యమకారున్ని కోల్పోయింది : కేసీఆర్
Bandla Ganesh | బండ్ల గణేశ్కు జైలుశిక్ష.. రూ. 95 లక్షల చెక్ బౌన్స్ కేసులో ఒంగోలు కోర్టు కీలక తీర్పు
Tyson Naidu Teaser | మాస్ యాక్షన్ విందుతో బెల్లంకొండ ‘టైసన్ నాయుడు’ టీజర్.!
Siddipeta | పోలీసుల దిగ్బంధనంలో సిద్దిపేట.. ఎక్కడికక్కడే బీఆర్ఎస్ నాయకుల అరెస్ట్
Jasprit Bumrah | టెస్టుల్లో బుమ్రా అరుదైన రికార్డు.. అత్యధిక వికెట్లు పడగొట్టిన టాప్-10 భారత బౌలర్ల జాబితాలో చోటు..!
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

