Visit:
Vijay | తమిళ స్టార్‌ హీరో విజయ్ రాజకీయాల్లోకీ అడుగుపెడుతున్న నేపథ్యంలో ఆయన త‌మిళ‌నాట చర్చనీయాంశంగా మారారు. ఇటీవల నిర్వహించిన పబ్లిక్‌ మీటింగులకు లక్షలాది మంది అభిమానులు హాజరు కావ‌డంతో ఆయన తమిళ రాజ‌కీయాల‌లో కీల‌కంగా మార‌తాడ‌ని ముచ్చ‌టించుకుంటున్నారు. ఈ క్రమంలో విజయ్ వ్యక్తిగత జీవితం మరోసారి హాట్ టాపిక్‌గా మారింది.. విజయ్ ఆయన భార్య సంగీత విడాకుల గాసిప్స్ గత ఏడాదినుంచే వినిపిస్తున్నాయి. ఈ నేపథ్యంలో హీరోయిన్ త్రిషా పేరు కూడా ఈ వివాదంలోకి వ‌చ్చి చేరింది. అయితే ఇప్పటివరకు విజయ్ గానీ, త్రిషా గానీ స్పందించింది లేదు.
తాజాగా విజయ్, సంగీత విడాకుల రూమర్స్ మళ్లీ సోషల్‌ మీడియాలో వైరల్ అవుతున్నాయి. ఈ పుకార్ల మధ్య విజయ్ భార్య సంగీత తన కుమారుడు జేసన్ సంజయ్ తో కలిసి ఎయిర్‌పోర్ట్‌లో కనిపించడం మరింత చర్చనీయాంశమైంది. త్వరలోనే జేసన్ సంజయ్ దర్శకుడిగా సినీ రంగంలో అడుగుపెట్టబోతున్నాడనే వార్తలు ఇప్పటికే హాట్ టాపిక్‌గా మారాయి. మరోవైపు కెరీర్ పరంగా విజయ్ ప్రస్తుతం “జన నాయకన్” సినిమాలో నటిస్తున్నారు. ఇది తెలుగులో బాలకృష్ణ హీరోగా వచ్చిన “భగవంత్ కేసరి” రీమేక్ అని టాక్ వినిపిస్తోంది. ఈ సినిమాలో పూజా హెగ్డే హీరోయిన్‌గా నటిస్తుండగా, బాబీ డియోల్, గౌతమ్ వాసుదేవ్ మీనన్, ప్రకాష్ రాజ్, నరేన్, ప్రియమణి, మమితా బైజు కీలక పాత్రల్లో కనిపించనున్నారు.
విజయ్ 1999లో సంగీతను పెళ్లి చేసుకోగా, ఈ జంటకు జాసన్ సంజయ్, దివ్యసాష అనే ఇద్దరు పిల్లలు ఉన్నారు. 2023లో విజయ్ – సంగీత మధ్య గొడవలు అయ్యాయ‌ని, వారిద్ద‌రు విడాకులు తీసుకోబోతున్నారని రూమర్లు విన్పించాయి. కాని దానిపై పూర్తి క్లారిటీ అయితే రావ‌డం లేదు. ఇక ప్రస్తుతం విజయ్ పొలిటికల్ ఎంట్రీపై ఫోకస్ చేసిన సంగతి తెలిసిందే.
