Visit:
Family Star | విజయ్‌ దేవరకొండ, మృణాల్‌ఠాకూర్‌ జంటగా పరశురామ్‌ పెట్ల దర్శకత్వంలో దిల్‌రాజు, శిరీష్‌ నిర్మిస్తున్న ‘ఫ్యామిలీస్టార్‌’ చిత్రం షూటింగ్‌ పూర్తి చేసుకుంది. మూవీ టీమ్‌ గుమ్మడికాయ కూడా కొట్టేశారు. నిర్మాణానంతర కార్యక్రమాలు పూర్తి చేసి ఏప్రిల్‌ 5న సినిమాను విడుదల చేయడానికి మేకర్స్‌ సన్నాహాలు చేస్తున్నారు.
అన్ని వర్గాలవారికీ నచ్చే వినోదభరితచిత్రంగా దర్శకుడు పరుశురామ్‌ పెట్ల ఈ చిత్రాన్ని తెరకెక్కించారని, ప్రచార చిత్రాలు సినిమాపై అంచనాలు పెంచాయని, ఈ సమ్మర్‌ బ్లాక్‌బాస్టర్‌గా ‘ఫ్యామిలీస్టార్‌’ నిలవడం ఖాయమని దిల్‌రాజు తెలిపారు. ఈ చిత్రానికి కెమెరా: కేయూ మోహనన్‌, సంగీతం: గోపీసుందర్‌.
