ఒక లైలా కోసం, ముకుందా సినిమాలతో తెలుగు ప్రేక్షకులకు దగ్గరైంది ముంబై భామ పూజాహెగ్డే (Pooja Hegde). తెలుగులో తొలి సినిమాతో నటిగా మంచి గుర్తింపు తెచ్చుకున్న ఈ బ్యూటీ ఆ తర్వాత బ్యాక్ టు బ్యాక్ సినిమాలతో బిజీగా మారిపోయింది. తెలుగు, తమిళం, హిందీ భాషల్లో స్టార్ హీరోలతో సినిమాలు చేస్తూ వన్ ఆఫ్ ది లీడింగ్ హీరోయిన్గా కొనసాగుతున్న ఈ ‘బుట్టబొమ్మ’ నేడు 32వ పుట్టినరోజు (Pooja Hegde birthday) జరుపుకుంటోంది.
ఈ సందర్భంగా పూజాహెగ్డేకు కోస్టార్లు, అభిమానులు, ఫాలోవర్లు శుభాకాంక్షలు తెలియజేస్తున్నారు. పూజాహెగ్డే ప్రస్తుతం నటిస్తున్న చిత్రాల్లో ఒకటి ‘కిసీ కా భాయ్ కిసీ కా జాన్’. సల్మాన్ ఖాన్ హీరోగా నటిస్తున్న ఈ చిత్రంలో టాలీవుడ్ హీరో వెంకటేశ్ కీలక పాత్రలో నటిస్తున్నాడు. సల్లూభాయ్, వెంకీ ఈ మూవీ సెట్స్ లో కోస్టార్ పూజాహెగ్డే పుట్టినరోజు వేడుకలను జరిపారు.
ఈ ఇద్దరు హీరోలు చిత్రయూనిట్ సమక్షంలో పూజాహెగ్డేతో కేక్ కట్ చేయించి ఆమెకు బర్త్ డే విషెస్ తెలిపారు. పూజాహెగ్డే పుట్టినరోజు వేడుకల ఫొటోలు, వీడియో ఇపుడు నెట్టింట్లో హల్ చల్ చేస్తున్నాయి. పూజాహెగ్డే మరోవైపు తెలుగులో మహేశ్బాబు-త్రివిక్రమ్ శ్రీనివాస్ కాంబినేషన్లో వస్తున్న చిత్రంలో ఫీ మేల్ లీడ్ రోల్ పోషిస్తుంది. ఈ సినిమా రెగ్యులర్ షూటింగ్ వచ్చే నెల నుంచి ప్రారంభం కానున్నట్టు ఫిలింనగర్ సర్కిల్ టాక్.
Read also : Sidhu Jonnalagadda | అట్లుంటది మనతోని.. డీజేటిల్లు 2 హీరోయిన్ ఎవరో చెప్పిన సిద్దు
Read also : Chiranjeevi | చిరంజీవిని కలిసిన ఫిల్మ్ క్రిటిక్స్ అసోసియేషన్ సభ్యులు
Read also : Prakash Raj | ప్రకాశ్ రాజ్ డబ్బింగ్ షురూ.. ఇంతకీ ఏ సినిమాకంటే..?
Read also : Kriti Sanon | ఆదిపురుష్ కొత్త అప్డేట్.. డబ్బింగ్ స్టూడియోలో కృతిసనన్