NBK107 | వీర సింహా రెడ్డి మూవీ క్రేజీ అప్‌డేట్‌.. నందమూరి ఫ్యాన్స్‌కు పండగే..!

‘అఖండ’ వంటి భారీ విజయం తర్వాత ‘వీర సింహా రెడ్డి’ సినిమాతో ప్రేక్షకుల ముందుకు రావడానికి సిద్ధమయ్యాడు నందమూరి బాలకృష్ణ. ఇప్పటికే రిలీజైన పోస్టర్‌లు, గ్లింప్స్ సినిమాపై విపరీతమైన అంచనాలు క్రియేట్‌ చేశాయి.

Veera Simha Reddy Movie | ‘అఖండ’ వంటి భారీ విజయం తర్వాత ‘వీర సింహా రెడ్డి’ సినిమాతో ప్రేక్షకుల ముందుకు రావడానికి సిద్ధమయ్యాడు నందమూరి బాలకృష్ణ. ఇప్పటికే రిలీజైన పోస్టర్‌లు, గ్లింప్స్ సినిమాపై విపరీతమైన అంచనాలు క్రియేట్‌ చేశాయి. అవుట్‌ అండ్ అవుట్ మాస్‌ యాక్షన్ ఎంటర్‌టైనర్‌గా తెరకెక్కుతున్న ఈ చిత్రానికి ‘క్రాక్‌’ ఫేం గోపిచంద్‌ మలినేని దర్శకత్వం వహిస్తున్నాడు. షూటింగ్‌ చివరిదశలో ఉన్న ఈ చిత్రాన్ని సంక్రాంతి కానుకగా రిలీజ్‌ చేయాలని మేకర్స్ సన్నాహాలు చేస్తున్నారు. ఈ క్రమంలో చిత్రబృందం వరుస అప్‌డేట్‌లను ప్రకటిస్తూ సినిమాపై అంచనాలు పెంచుతున్నారు. తాజాగా ఈ సినిమా ఫస్ట్‌ సింగిల్ అప్‌డేట్‌ను మేకర్స్ ప్రకటించారు.

స్వర మాంత్రికుడు ఎస్‌.ఎస్‌ థమన్‌ ఈ సినిమా ఫస్ట్‌ సింగిల్‌ అప్‌డేట్‌ను ప్రకటించాడు. త్వరలోనే ఫస్ట్‌ సాంగ్‌ను రిలీజ్‌ చేస్తున్నట్లు ట్వీట్‌ చేసాడు. ‘అఖండ’ మ్యాజిక్‌ రిపీటవుతుంది అంటూ నెటీజన్‌లు కామెంట్స్ చేస్తున్నారు. మైత్రీ మూవీ సంస్థ నిర్మిస్తున్న ఈ చిత్రంలో బాలయ్య డ్యూయల్‌ రోల్‌లో కనిపించనున్నాడు. బాలకృష్ణకు జోడీగా శృతిహాసన్‌ నటిస్తుంది. కన్నడ యాక్టర్‌ దునియా విజయ్‌ ప్రతినాయకుడి పాత్ర పోషిస్తున్నాడు. ఇప్పటికే ఈ సినిమాకు భారీ స్థాయిలో బిజినెస్‌ జరిగిందని సమాచారం. ప్రీ రిలీజ్‌ బిజినెస్‌ ద్వారానే నిర్మాతలకు రూ.140 కోట్ల వరకు వచ్చాయని టాక్‌.

#VeeraSimhaaReddy FIRST SINGLE SOON 🔥

— thaman S (@MusicThaman) November 22, 2022