వానరతో ఏడాది మొదలు

అవినాష్‌ తిరువీధుల హీరోగా, దర్శకుడిగా పరిచయమవుతున్న మైథలాజికల్‌ రూరల్‌ డ్రామా ‘వానర’. సిమ్రాన్‌ చౌదరి కథానాయిక. నందు ప్రతినాయకుడిగా నటించారు. అవినాష్‌ బుయానీ, ఆలపాటి రాజా, సి.అంకిత్‌రెడ్డి నిర్మాతలు.

అవినాష్‌ తిరువీధుల హీరోగా, దర్శకుడిగా పరిచయమవుతున్న మైథలాజికల్‌ రూరల్‌ డ్రామా ‘వానర’. సిమ్రాన్‌ చౌదరి కథానాయిక. నందు ప్రతినాయకుడిగా నటించారు. అవినాష్‌ బుయానీ, ఆలపాటి రాజా, సి.అంకిత్‌రెడ్డి నిర్మాతలు. జనవరి 1న సినిమా విడుదల కానున్నది. ఈ విషయాన్ని తెలియజేస్తూ శనివారం మేకర్స్‌ ఓ ప్రకటన విడుదల చేశారు.

అన్ని వర్గాల ప్రేక్షకులనూ ఆకట్టుకునేలా సినిమా ఉంటుందని ఈ ప్రకటనలో వారు పేర్కొన్నారు. ఖడ్గం పృథ్వీ, కోన వెంకట్‌, సత్య, ఆమని, శివాజీ రాజా, చమ్మక్‌చంద్ర, రచ్చరవి తదితరులు ఇతర పాత్రలు పోషించిన ఈ చిత్రానికి కథ, కథనం: విశ్వజిత్‌, మాటలు: సాయిమాధవ్‌ బుర్రా, కెమెరా: సుజాత సిద్ధార్థ్‌, సంగీతం: వివేక్‌ సాగర్‌, సమర్పణ: శంతను పత్తి, నిర్మాణం: సిల్వర్‌ స్క్రీన్‌ సినిమాస్‌.