Trisha Krishnan | పెళ్లిపై నమ్మకం లేదన్న త్రిష.. నిజంగానే ఆ హీరోను మనువాడబోతుందా..?
Trisha Krishnan | ప్రముఖ హీరోయిన్ త్రిష కృష్ణన్ గురించి పెద్దగా పరిచయం అవసరం లేదు. సినీ ఇండస్ట్రీలోకి అడుగుపెట్టి 20 ఏళ్లు దాటింది.
ఓ వైపు వయసు పెరుగుతున్నా.. తరగని అందంతో దక్షిణాదిలో అగ్ర కథానాయికగా కొనసాగుతున్నది.
నలబై రెండు సంవత్సరాలు వచ్చినా ఈ బ్యూటీ ఇంకా పెళ్లి మాటత్తడం లేదు. గతంలో ఒకసారి ఎంగేజ్మెంట్ వరకు వెళ్లి ఆగిపోయిన విషయం తెలిసిందే.
ఆ తర్వాత పెళ్లి చేసుకోబోతుందంటూ వార్తలు వచ్చినా అందులో ఏవీ నిజం కాలేదు.
గతంలో తమిళ సూపర్స్టార్ విజయ్తో పీకలోతు ప్రేమలో ఉందని.. త్వరలోనే పెళ్లి చేసుకోనుందనే వార్తలు వచ్చాయి.
తాజాగా మరో నటుడుతో ప్రేమలో ఉందని.. ఇద్దరూ వివాహంతో ఒకటి కానున్నారనే ప్రచారం సాగుతుంది. ఆ హీరోకు సైతం పెళ్లికాకపోవడం గమనార్హం.
ఆ హీరో ఎవరో కాదు శింబు. ఇటీవల శింబు-త్రిష సన్నిహితంగా ఉన్న ఫొటోలు సోషల్ మీడియాలో తెగ వైరల్ అయ్యాయి.
ఇందులో ఇద్దరూ ఒకరినొకరు చూసుకుంటూ నవ్వుతూ కనిపించగా.. ఆ ఫొటో చూసిన వారంతా వారిద్దరి మధ్య ఏదో నడుస్తుందని.. త్వరలోనే పెళ్లి చేసుకోబోతున్నారి చెప్పుకొస్తున్నారు.
ఈ ఫొటో ఎక్కడిది.. ఎప్పుడు తీశారనే విషయం క్లారిటీ లేదు. శింబు-త్రిష ఇద్దరు మంచి స్నేహితులని కోలీవుడ్ వర్గాలు పేర్కొంటున్నారు.
వీరిద్దరి కాంబినేషన్లో అలై, విన్నతాండి వారువాయా తదితర సినిమాల్లో నటించారు.
లాక్డౌన్లో దర్శకుడు గౌతమ్ మీనన్ రూపొందించిన ‘కార్తీక్ డయల్ సైత ఎన్’ షార్ట్ఫిల్మ్లో సైతం కనిపించారు.
త్రిష పెళ్లి వార్తలు రావడం ఇదేం తొలిసారి కాదు. గతంలోనూ చాలాసార్లు పెళ్లి చేసుకోబోతుందని వార్తలు రాగా.. అవన్నీ వట్టి పుకార్లుగానే మిగిలిపోయాయి.
ఈ వార్తలు కూడా అలాగే మిగులుతాయా? నిజంగానే పెళ్లి చేసుకుంటారా? వేచి చూడాల్సిందే.
అయితే, తనకు పెళ్లిపై నమ్మకం లేదని గతంలో ఇంటర్వ్యూలో తెలిపింది. తనకు పెళ్లయినా.. కాకపోయినా పర్వాలేదని చెప్పింది.
ఇక త్రిష సినిమాల విషయానికి వస్తే.. చివరిసారిగా గుడ్ బ్యాడ్ అగ్లీ మూవీలో కనిపించింది.
ప్రస్తుతం నాలుగు సినిమాల్లో నటిస్తున్నది. థగ్లైఫ్ మూవీలో కమల్ హసన్తో జతకడుతున్నది.
అలాగే, తెలుగులో మెగాస్టార్ చిరంజీవి సరసన విశ్వంభర మూవీలో హీరోయిన్గా నటిస్తున్నది.
స్టాలిన్ తర్వాత చిరుతో మళ్లి రొమాన్స్ చేయబోతున్నది.
అలాగే, సూర్య-45 మూవీలో నటిస్తుండగా.. మలయాళంలో ‘రామ్’ చిత్రాల్లో నటిస్తుంది.
Trisha Krishnan
Trisha Krishnan
Trisha Krishnan
Trisha Krishnan