Tollywood actor | బ్ర‌హ్మాస్త్రలో ఛాన్స్ మిస్ చేసుకున్న తెలుగు యువ హీరో..!

పాన్ ఇండియా సినిమాగా గ‌త శుక్ర‌వారం ప్రేక్ష‌కుల ముందుకొచ్చిన బ్ర‌హ్మాస్త్ర (Brahmastra) బాక్సాఫీస్ వ‌ద్ద మంచి టాక్‌తో స్క్రీనింగ్అ వుతోంది. ఈ చిత్రంలో టాలీవుడ్ హీరో అక్కినేని నాగార్జున కీరోల్ చేసిన విష‌యం తెలిసిందే. నాగ్ పాత్ర‌కు మంచి స్పంద‌న వ‌స్తోంది.

September 15, 2022 / 08:18 PM IST

Tollywood actor | బ్ర‌హ్మాస్త్రలో ఛాన్స్ మిస్ చేసుకున్న తెలుగు యువ హీరో..!

స్టార్ క‌పుల్ ర‌ణ్‌బీర్ క‌పూర్-అలియాభ‌ట్ ప్ర‌ధాన పాత్ర‌ల్లో వ‌చ్చిన చిత్రం బ్ర‌హ్మాస్త్ర (Brahmastra). పాన్ ఇండియా సినిమాగా గ‌త శుక్ర‌వారం ప్రేక్ష‌కుల ముందుకొచ్చిన ఈ చిత్రం బాక్సాఫీస్ వ‌ద్ద మంచి టాక్‌తో స్క్రీనింగ్అ వుతోంది. హిందీ, తెలుగుతోపాటు ప‌లు భార‌తీయ భాష‌ల్లో విడుద‌లైన ఈ మూవీకి యే జ‌వానీ యే దివాని ఫేం అయాన్ ముఖ‌ర్జీ (Ayan Mukerji) ద‌ర్శ‌క‌త్వం వ‌హించాడు.

ఈ చిత్రంలో టాలీవుడ్ హీరో అక్కినేని నాగార్జున కీరోల్ చేసిన విష‌యం తెలిసిందే. నాగ్ పాత్ర‌కు మంచి స్పంద‌న వ‌స్తోంది. కాగా ఈ ప్రాజెక్టులో మ‌రో తెలుగు హీరో కూడా న‌టించాల్సి ఉండేద‌ట‌. బిజీ షెడ్యూల్ వ‌ల్ల బ్ర‌హ్మాస్త్ర‌లో న‌టించే అవ‌కాశం కోల్పోయాన‌ని అన్నాడు యువ హీరో సుధీర్ బాబు (Sudheer Babu). ఈ యాక్ట‌ర్ న‌టించిన తాజా చిత్రం ఆ అమ్మాయి గురించి మీకు చెప్పాలి సెప్టెంబ‌ర్ 16న ప్రేక్ష‌కుల ముందుకు రానుంది.

ఈ నేప‌థ్యంలో ప్ర‌మోష‌న్స్ లో బిజీగా ఉంది సుధీర్ బాబు టీం. ప్ర‌మోష‌న్స్ టైంలోనే బ్ర‌హ్మాస్త్ర అప్‌డేట్ అందించి టాక్ ఆఫ్ ది టౌన్‌గా నిలిచింది. ఇంత‌కీ ఏ పాత్ర‌లో న‌టించాల‌ని ఆఫ‌ర్ వ‌చ్చింద‌నే విష‌యంపై మాత్రం స‌స్పెన్స్ పెట్టాడు సుధీర్ బాబు. కాగా ఈ యువ హీరోకు బాలీవుడ్ కొత్తేమి కాదు.

ఇప్ప‌టికే టైగ‌ర్ ష్రాఫ్ హీరోగా న‌టించిన బాఘి చిత్రంలో సుధీర్ బాబు విల‌న్‌గా న‌టించాడు. ఈ చిత్రం బాక్సాఫీస్ వ‌ద్ద ప్రేక్ష‌కుల‌కు ఆశించిన స్థాయిలో ఆక‌ట్టుకోలేక‌పోయింది.