Ram Charan | యువ హీరోకు రాంచరణ్ సాయం

టాలీవుడ్ (Tollywood)యువ హీరో రాజ్ తరుణ్ (Raj Tarun) వినోదాన్ని అందించడం పక్కా అంటున్నాడు రాంచరణ్ (Ram Charan). అంతేకాదు ఈ సినిమా ప్రచార కార్యక్రమంలో తన వంతు పాత్ర పోషిస్తున్నాడు రాంచరణ్.

September 22, 2021 / 07:53 PM IST

టాలీవుడ్ (Tollywood)యువ హీరో రాజ్ తరుణ్ (Raj Tarun) నటిస్తున్న లేటెస్ట్ సినిమా అనుభవించురాజా (Anubhavinchu Raja). ఈ చిత్రానికి కథ, దర్శకత్వం శ్రీను గవిరెడ్డి. గ్రామీణ కథాంశం నేపథ్యంలో తెరకెక్కుతున్న ఈ సినిమాకు గోపీసుందర్ సంగీత దర్శకుడు. రాజ్ తరుణ్ వినోదాన్ని అందించడం పక్కా అంటున్నాడు రాంచరణ్ (Ram Charan). అంతేకాదు ఈ సినిమా ప్రచార కార్యక్రమంలో తన వంతు పాత్ర పోషిస్తున్నాడు రాంచరణ్.

రాజ్ తరుణ్ ను సపోర్టు చేస్తూ.. అనుభవించు రాజా టీజర్ ను సెప్టెంబర్ 23న ఉదయం 10:08 గంటలకు విడుదల చేయనున్నాడు రాంచరణ్. ఇప్పటికే విడుదలైన ఫస్ట్ లుక్ కు మంచి స్పందన వచ్చింది. ఈ మూవీని అన్నపూర్ణ స్టూడియోస్ , శ్రీ వెంకటేశ్వర సినిమాస్ ఎల్ఎల్పీ సంయుక్తంగా నిర్మిస్తున్నాయి. షూటింగ్ పూర్తి చేసుకున్న ఈ చిత్రంతో త్వరలోనే థియేటర్లలో సందడి చేయనుంది.

గత కొంతకాలంగా సరైన హిట్ లేని రాజ్ తరుణ్ ఈ సారి ఎలాగైన మంచి సక్సెస్ అందుకోవాలని ఎదురుచూస్తున్నాడు. రాంచరణ్ చేస్తున్నసాయంతో రాజ్ తరుణ్ సినిమా మంచి విజయం సాధిస్తుందని ధీమావ్యక్తం చేస్తున్నారు మూవీ లవర్స్.