నా దిల్‌సే నువ్వే..

విజయ్‌ దేవరకొండ, సమంత జంటగా నటిస్తున్న తాజా చిత్రం ‘ఖుషి’. శివ నిర్వాణ దర్శకుడు. మైత్రీ మూవీ మేకర్స్‌ పతాకంపై నవీన్‌ యెర్నేని, రవిశంకర్‌ యలమంచిలి నిర్మిస్తున్నారు. సెప్టెంబర్‌ 1న ప్రేక్షకుల ముందుకురానుంది. సోమవారం విజయ్‌ దేవరకొండ జన్మదినోత్సవాన్ని పురస్కరించుకొని ఈ చిత్రంలోని ‘నా రోజా నువ్వే..నా దిల్‌సే నువ్వే” అనే ఫస్ట్‌ లిరికల్‌ సాంగ్‌తో పాటు కొత్త పోస్టర్‌ను కూడా విడుదల చేశారు.

విజయ్‌ దేవరకొండ, సమంత జంటగా నటిస్తున్న తాజా చిత్రం ‘ఖుషి’. శివ నిర్వాణ దర్శకుడు. మైత్రీ మూవీ మేకర్స్‌ పతాకంపై నవీన్‌ యెర్నేని, రవిశంకర్‌ యలమంచిలి నిర్మిస్తున్నారు. సెప్టెంబర్‌ 1న ప్రేక్షకుల ముందుకురానుంది. సోమవారం విజయ్‌ దేవరకొండ జన్మదినోత్సవాన్ని పురస్కరించుకొని ఈ చిత్రంలోని ‘నా రోజా నువ్వే..నా దిల్‌సే నువ్వే” అనే ఫస్ట్‌ లిరికల్‌ సాంగ్‌తో పాటు కొత్త పోస్టర్‌ను కూడా విడుదల చేశారు.

‘నా రోజా నువ్వే, నా అంజలి నువ్వే గీతాంజలి నువ్వే, నా కడలి కెరటంలో ఓ మౌనరాగం నువ్వేలే..’ అంటూ ప్రముఖ దర్శకుడు మణిరత్నం సినిమాల పేర్లను గుర్తుకుతెస్తూ ఈ పాట సాగింది. స్వరకర్త హేషమ్‌ అబ్దుల్‌ వాహబ్‌ ఈ పాటను స్వయంగా ఆలపించారు. దర్శకుడు శివ నిర్వాణ నృత్యరీతుల్ని సమకూర్చిన ఈ గీతాన్ని కశ్మీర్‌లోని సుందరమైన లొకేషన్లలో తెరకెక్కించారు. జయరాం, సచిన్‌ ఖేడేకర్‌, మురళీశర్మ, లక్ష్మీ, అలీ, రోహిణి తదితరులు నటిస్తున్న ఈ చిత్రానికి కెమెరా: జి.మురళి, సంగీతం: హేషమ్‌ అబ్దుల్‌ వాహబ్‌, కథ, స్క్రీన్‌ప్లే, దర్శకత్వం: శివ నిర్వాణ.