దుష్టశిక్షణకు సిద్ధం

అగ్ర కథానాయకుడు చిరంజీవి నటిస్తున్న తాజా చిత్రం ‘విశ్వంభర’. ‘బింబిసార’ ఫేమ్‌ వశిష్ట దర్శకత్వం వహిస్తున్నారు. ఇప్పటికే విడుదలైన ప్రచార చిత్రాలు సినిమాపై అంచనాల్ని పెంచాయి. దసరా సందర్భంగా నేడు టీజర్‌ను విడుదల చేయబోతున్నారు.

అగ్ర కథానాయకుడు చిరంజీవి నటిస్తున్న తాజా చిత్రం ‘విశ్వంభర’. ‘బింబిసార’ ఫేమ్‌ వశిష్ట దర్శకత్వం వహిస్తున్నారు. ఇప్పటికే విడుదలైన ప్రచార చిత్రాలు సినిమాపై అంచనాల్ని పెంచాయి. దసరా సందర్భంగా నేడు టీజర్‌ను విడుదల చేయబోతున్నారు. ఈ విషయాన్ని నిర్మాణ సంస్థ అధికారికంగా ప్రకటించింది. ఈ సందర్భంగా కొత్త పోస్టర్‌ను విడుదల చేశారు.

ఇందులో చిరంజీవి చేతిలో ఖడ్గాన్ని ధరించి దుష్టశిక్షణకు సిద్ధమైన యోధుడిలా కనిపిస్తున్నారు. ఈ చిత్రంలో త్రిష కథానాయికగా నటిస్తుండగా, కీరవాణి సంగీతాన్నందిస్తున్నారు. ప్రస్తుతం షూటింగ్‌ జరుగుతున్నది. ఈ చిత్రాన్ని సంక్రాంతి సందర్భంగా జనవరిలో విడుదల చేయబోతున్నారని వార్తలొచ్చాయి. తాజా సమాచారం ప్రకారం ఈ సినిమా మార్చిలో ప్రేక్షకుల ముందుకురాబోతున్నట్లు తెలిసింది. యూవీ క్రియేషన్స్‌ సంస్థ భారీ వ్యయంతో ఈ చిత్రాన్ని తెరకెక్కిస్తున్నది.