Kajal Aggarwal | కుమారుడి కోసం సినిమాలకు గుడ్‌బై చెప్పే ఆలోచనలో పంజాబీ సుందరి..

అగ్ర కథానాయిక కాజల్‌ అగర్వాల్‌ త్వరలో సినిమాలకు గుడ్‌బై చెప్పే ఆలోచనలో ఉందని వార్తలు వినిపిస్తున్నాయి. దక్షిణాది చిత్రసీమలో అగ్ర తారగా వెలుగొందుతున్న ఈ పంజాబీ సుందరి ఖాతాలో భారీ విజయాలున్నాయి.

Kajal Aggarwal | అగ్ర కథానాయిక కాజల్‌ అగర్వాల్‌ త్వరలో సినిమాలకు గుడ్‌బై చెప్పే ఆలోచనలో ఉందని వార్తలు వినిపిస్తున్నాయి. దక్షిణాది చిత్రసీమలో అగ్ర తారగా వెలుగొందుతున్న ఈ పంజాబీ సుందరి ఖాతాలో భారీ విజయాలున్నాయి. 2007లో ‘లక్ష్మీ కల్యాణం’ చిత్రం ద్వారా తెలుగు ఇండస్ట్రీలో అరంగేట్రం చేసిన కాజల్‌ అగర్వాల్‌ వరుస అవకాశాలతో స్టార్‌ హీరోయిన్‌గా ఎదిగింది. ఇప్పటివరకు 55కు పైగా చిత్రాల్లో నటించిన ఈ అమ్మడు ఇక సినిమాలకు రిటైర్మెంట్‌ ప్రకటించనుందని చెబుతున్నారు.

తన కుమారుడి బాధ్యతలు చూసుకోవడం కోసమే ఆమె ఈ నిర్ణయం తీసుకుందని తెలుస్తున్నది. ‘ప్రస్తుతం అంగీకరించిన సినిమాలను పూర్తి చేసిన తర్వాత ఇక విశ్రాంతి తీసుకోవచ్చు’ అంటూ ట్విట్టర్‌లో కాజల్‌ పెట్టిన పోస్ట్‌ ఆమె రిటైర్మెంట్‌ వదంతులకు మరింత బలం చేకూర్చుతున్నది. ప్రస్తుతం కాజల్‌ అగర్వాల్‌ ‘ఇండియన్‌-2’ ‘భగవంత్‌ కేసరి’ చిత్రాల్లో నాయికగా నటిస్తున్నది. ఈ సినిమాలు పూర్తయిన తర్వాత తన రిటైర్మెంట్‌ నిర్ణయాన్ని ప్రకటించవొచ్చని సమాచారం.