Mrunal Thakur చీరకట్టులోనే అసలైన అందం
ప్రపంచవ్యాప్తంగా ప్రఖ్యాతి గాంచిన కేన్స్‌ అంతర్జాతీయ చలన చిత్రోత్సవం బుధవారం వైభవంగా ప్రారంభమైన విషయం తెలిసిందే. ఎర్ర తివాచీపై పలువురు అందాల తారలు హొయలొలికిస్తూ ఆహుతుల్ని అలరించారు.
ప్రపంచవ్యాప్తంగా ప్రఖ్యాతి గాంచిన కేన్స్‌ అంతర్జాతీయ చలన చిత్రోత్సవం బుధవారం వైభవంగా ప్రారంభమైన విషయం తెలిసిందే. ఎర్ర తివాచీపై పలువురు అందాల తారలు హొయలొలికిస్తూ ఆహుతుల్ని అలరించారు. ఈ ఫిల్మ్‌ ఫెస్టివల్‌లో ‘సీతారామం’ ఫేమ్‌ మృణాల్‌ ఠాకూర్‌ తొలిసారి పాల్గొంటున్నది.
రెడ్‌ కార్పెట్‌పై సందడి చేసే ముందు అందమైన చీరకట్టులో తీయించుకున్న కొన్ని ఫొటోలను తన ఇన్‌స్టాగ్రామ్‌ ఖాతాలో పంచుకుందీ భామ. కేన్స్‌ ఫిల్మ్‌ఫెస్ట్‌వల్‌లో భాగం కావడం అరుదైన అవకాశమని ఆనందం వ్యక్తం చేసింది. ఆరు గజాల చీరలోనే అసలైన అందం దాగి ఉంటుందని మృణాల్‌ ఠాకూర్‌ పేర్కొంది. ఆమె మాట్లాడుతూ ‘చీరకట్టులో నేను నిజమైన భారతీయ మహిళగా ఫీలవుతున్నా.
రెడ్‌కార్పెట్‌పై నడిచే తరుణం కోసం ఉత్సాహంగా ఎదురుచూస్తున్నా. నా జీవితంలో ఇదొక మధురమైన క్షణం’ అని చెప్పింది. సంప్రదాయ చీరకట్టులో మృణాల్‌ ఠాకూర్‌ ఫొటోషూట్‌ను చూసిన పలువురు సినీ తారలు ఆమెపై ప్రశంసలు కురిపిస్తున్నారు. మ్యాజికల్‌ లుక్‌తో కనిపిస్తున్నావంటూ అగ్రా కథానాయిక సమంత ప్రశంసించింది.
Read Today's Latest Cinema News in Telugu and Telugu News
- Follow Us :
-
