Avantika Vandanapu | అవంతిక వందనపు. ప్రస్తుతం సోషల్ మీడియాలో ట్రెండ్ అవుతున్న పేరు ఇది. మహేష్ బాబు ‘బ్రహ్మోత్సవం’ సినిమాలో బాల నటిగా ఎంట్రీ ఇచ్చిన ఈ తెలుగమ్మాయి ప్రస్తుతం హాలీవుడ్ లో అదరగొడుతోంది. టాలీవుడ్, బాలీవుడ్ నుంచి కాకుండా ఏకంగా హాలీవుడ్ నుంచి హీరోయిన్గా ఎంట్రీ ఇచ్చింది. అవంతిక వందనపు తాజాగా నటించిన హాలీవుడ్ చిత్రం ‘మీన్ గర్ల్స్'(Mean Girls). ఈ చిత్రం ప్రపంచవ్యాప్తంగా జనవరి 12న ప్రేక్షకుల ముందుకు వచ్చి.. పాజిటివ్ టాక్తో దూసుకుపోతుంది. అయితే ఈ సినిమా విడుదల అవ్వడమే ఆలస్యం అవంతిక వందనపు (Avantika Vandanapu ) ఒకేసారి సోషల్ మీడియా టాప్ ట్రెండింగ్లోకి వెళ్లిపోయింది.
మీన్ గర్ల్స్ అనే చిత్రంలో కరన్ శెట్టి అనే క్యారెక్టర్ చేశారు అవంతిక. ఈ చిత్రంలో ఆమె నటనకు చాలా ప్రశంసలు వస్తున్నాయి. ముఖ్యంగా ఈ మూవీలో అవంతిక చేసిన హాలోవెన్ డ్యాన్స్ అయితే ప్రత్యేక ఆకర్షణగా నిలిచింది. దీంతో క్రిటిక్స్ నుంచి కూడా పొగడ్తలు దక్కుతున్నాయి. అయితే అసలు ఎవరు ఈమె అంటూ హాలీవుడ్ ఫ్యాన్స్ తెగ వెతికేస్తున్నారు. అయితే ఈ అమ్మాయి తెలుగమ్మాయే అంటూ నెటిజన్లు ట్రెండ్ చేయడం మొదలు పెట్టారు.
#MeanGirls Telugu Sensation Avantika Vandanapu with Lord Paidi pic.twitter.com/2FfghMtphP
— Mahanatiii (@Mahanatiii) January 13, 2024
#AvantikaVandanapu is the talk of the town now on Telugu twitter. pic.twitter.com/MdnWFm4SJZ
— Telugu Chitraalu (@TeluguChitraalu) January 14, 2024
Avantika Vandanapu is a DHFM🫶🏽
— Ganeshen🌶️ (@Ganeshen5) January 14, 2024
అవంతిక 2016లో మహేష్ బాబు చేసిన ‘బ్రహ్మోత్సవం’ సినిమాలో చైల్డ్ ఆర్టిస్ట్గా నటించింది. ఆ తర్వాత ‘ప్రేమమ్’ (తెలుగు), ‘మనమంతా’, ‘రారండోయ్ వేడుక చూద్దాం’, ‘ఆక్సిజన్’ లాంటి సినిమాలలో నటించి మంచి గుర్తింపు తెచ్చుకుంది. ఇక చాలా గ్యాప్ తర్వాత ‘మీన్ గర్ల్స్’ సినిమాతో ఎంట్రీ అవ్వడంతో ఒక తెలుగు అమ్మాయి టాలీవుడ్ నుంచి హాలీవుడ్ వరకు వెళ్లిందని నెటిజన్లు అభినందనలు తెలుపుతున్నారు.
Avantika Vandanapu attends the “Mean Girls” premiere. pic.twitter.com/3Tf27DbReo
— 21 (@21metgala) January 9, 2024