My Dear Donga | దొంగతనానికి వెళ్లి లవ్‌లో ప‌డిన అభినవ్.. హిలేరియ‌స్‌గా ‘మై డియర్ దొంగ’ ట్రైల‌ర్

Abhinav Gomatam | టాలీవుడ్ ప్రముఖ కమెడియన్‌ అభినవ్ గోమఠం (Abhinav Gomatam) గురించి ప్ర‌త్యేక ప‌రిచ‌యం అక్క‌ర్లేదు. మ‌ళ్లీరావా చిత్రంతో టాలీవుడ్‌లోకి ఎంట్రీ ఇచ్చి ‘ఈ న‌గ‌రానికి ఏమైంది’, ‘మీకు మాత్రమే చెప్తా’, ‘ఇచ్చట వాహనములు నిలపరాదు’ సినిమాల‌తో మంచి గుర్తింపు తెచ్చుకున్నాడు.

Abhinav Gomatam | టాలీవుడ్ ప్రముఖ కమెడియన్‌ అభినవ్ గోమఠం (Abhinav Gomatam) గురించి ప్ర‌త్యేక ప‌రిచ‌యం అక్క‌ర్లేదు. మ‌ళ్లీరావా చిత్రంతో టాలీవుడ్‌లోకి ఎంట్రీ ఇచ్చి ‘ఈ న‌గ‌రానికి ఏమైంది’, ‘మీకు మాత్రమే చెప్తా’, ‘ఇచ్చట వాహనములు నిలపరాదు’ సినిమాల‌తో మంచి గుర్తింపు తెచ్చుకున్నాడు. ఈ ఏడాది ‘మస్తు షేడ్స్ ఉన్నాయ్ రా..!'( Masth Shades Unnai Ra) నీలో అంటూ సినిమాతో వ‌చ్చి మంచి విజ‌యాన్ని అందుకున్నాడు. అయితే ఈ సినిమా అనంత‌రం అభినవ్ న‌టిస్తున్న తాజా చిత్రం ‘మై డియర్ దొంగ’(My Dear Donga). శాలినీ కొండెపూడి, దివ్య శ్రీపాద, నిఖిల్ గాజుల, వంశీధర్ గౌడ్, శశాంక్ మండూరి ప్ర‌ధాన పాత్ర‌ల్లో న‌టిస్తున్నారు. బిఎస్ సర్వజ్ఞ కుమార్ ద‌ర్శ‌క‌త్వం వ‌హిస్తుండ‌గా.. క్యామ్ ఎంటర్‌టైన్‌మెంట్ బ్యానర్‌పై గోజల మహేశ్వర్‌రెడ్డి నిర్మిస్తున్నాడు. ఈ చిత్రం ప్ర‌ముఖ తెలుగు ఓటీటీ ఆహాలో నేరుగా ఏప్రిల్ 19 నుంచి స్ట్రీమింగ్ కానుంది. ఈ నేప‌థ్యంలోనే మేక‌ర్స్ తాజాగా ట్రైల‌ర్ విడుద‌ల చేశారు.

ఈ ట్రైల‌ర్ చూస్తే.. సురేష్ (అభినవ్ గోమఠం) పొట్టకూటి కోసం దొంగతనం చేస్తూ.. ఓ అమ్మాయి (శాలినీ కొండెపూడి)కి దొరికితే వాడి కష్టాలు చెప్పి ఆ అమ్మాయికి ఫ్రెండ్ గా ఎలా మారాడు? ఆ తర్వాత ఏం జరిగింది అనే స్టోరీతో ఈ సినిమా రానుంది. ఫుల్ ఫ‌న్ ఎంట‌ర్‌టైన‌ర్‌గా ఉన్న ఈ ట్రైల‌ర్ ప్ర‌స్తుతం నెట్టింటా ఆక‌ట్టుకుంటుంది.