మదర్‌ సెంటిమెంట్‌తో ముత్యాల సుబ్బయ్య సినిమా!

రచిత మహాలక్ష్మీ, కమల్‌ కామురాజు, సాత్విక్‌, సాహిత్య ప్రధాన పాత్రల్లో నటిస్తున్న చిత్రం ‘తల్లి మనసు’. వి.శ్రీనివాస్‌ (సిప్పీ) దర్శకత్వం వహిస్తున్నారు. సీనియర్‌ దర్శకుడు ముత్యాల సుబ్బయ్య సమర్పకుడిగా వ్యవహరిస్తున్నారు. చిత్రీకరణ పూర్తయింది.

రచిత మహాలక్ష్మీ, కమల్‌ కామురాజు, సాత్విక్‌, సాహిత్య ప్రధాన పాత్రల్లో నటిస్తున్న చిత్రం ‘తల్లి మనసు’. వి.శ్రీనివాస్‌ (సిప్పీ) దర్శకత్వం వహిస్తున్నారు. సీనియర్‌ దర్శకుడు ముత్యాల సుబ్బయ్య సమర్పకుడిగా వ్యవహరిస్తున్నారు. చిత్రీకరణ పూర్తయింది. ఈ నెలలోనే విడుదల చేయబోతున్నట్లు మేకర్స్‌ తెలిపారు. ‘ప్రస్తుతం నిర్మాణానంతర కార్యక్రమాలు జరుగుతున్నాయి. ప్రేమమూర్తి అయిన ఓ తల్లి తన జీవితగమనంలో ఎదుర్కొన్న సంఘటనలేమిటన్నదే చిత్ర ఇతివృత్తం. మధ్యతరగతి తల్లి సంఘర్షణకు అద్దం పడుతూ హృదయాన్ని కదిలిస్తుంది’ అని చిత్రబృందం పేర్కొంది. రఘుబాబు, శుభలేఖ సుధాకర్‌ తదితరులు నటిస్తున్న ఈ చిత్రానికి కథా విస్తరణ: ముత్యాల సుబ్బయ్య, సంగీతం: కోటి, స్క్రీన్‌ప్లే, దర్శకత్వం: వి.శ్రీనివాస్‌ (సిప్పీ).