Virat-Anushka | రెండో బిడ్డకు తల్లిదండ్రులు కాబోతున్న విరుష్క..? అనుష్క బేబీ బంప్‌ వీడియో వైరల్‌

Virat-Anushka | బాలీవుడ్‌ క్యూట్ క‌పుల్స్‌లో టీమ్‌ఇండియా స్టార్‌ విరాట్ కోహ్లీ (Virat Kohli), నటి అనుష్క శ‌ర్మ (Anushka Sharma) జంట ఒక‌టి. వీరిద్దరూ నిత్యం ఏదో ఒక విష‌యంతో వార్తల్లో నిలుస్తుంటారు. తాజాగా అనుష్కకు సంబంధించిన ఓ వీడియో నెట్టింట తెగ వైరల్‌ అవుతోంది.

November 10, 2023 / 04:25 PM IST

Virat-Anushka | రెండో బిడ్డకు తల్లిదండ్రులు కాబోతున్న విరుష్క..? అనుష్క బేబీ బంప్‌ వీడియో వైరల్‌

Virat-Anushka | బాలీవుడ్‌ క్యూట్ క‌పుల్స్‌లో టీమ్‌ఇండియా స్టార్‌ విరాట్ కోహ్లీ (Virat Kohli), నటి అనుష్క శ‌ర్మ (Anushka Sharma) జంట ఒక‌టి. వీరిద్దరూ నిత్యం ఏదో ఒక విష‌యంతో వార్తల్లో నిలుస్తుంటారు. అటు విరాట్ క్రికెట్‌లో.. ఇటు అనుష్క సినిమాల‌తో ఎంత బిజీగా ఉన్నప్పటికీ కూడా ఫ్యామిలీ లైఫ్‌ని మాత్రం ఇద్దరూ బాగా ఎంజాయ్ చేస్తుంటారు. సమయం దొరికినప్పుడల్లా టూర్స్‌, డిన్నర్‌ డేట్స్‌ అంటూ సరదాగా గడుపుతుంటారు. కాగా, గత కొన్ని రోజులుగా ఈ జంట రెండో బిడ్డకు తల్లిదండ్రులు కాబోతున్నారంటూ వార్తలు వస్తున్న విషయం తెలిసిందే. దంపతులిద్దరూ ముంబైలోని ఓ గైనకాలజీ ఆసుపత్రి వద్ద కనిపించినట్టు కూడా మీడియాలో వార్తలు వచ్చాయి. దీంతో అనుష్క రెండోసారి ప్రెగ్నెంట్‌ (Anushka Sharma Is Pregnant) అన్న ఊహాగానాలు వినిపిస్తున్నాయి.

అయితే, ఈ వార్తలపై ఇప్పటి వరకూ అనుష్క కానీ, విరాట్‌ కానీ స్పందించలేదు. ఇదిలా ఉండగా.. తాజాగా అనుష్కకు సంబంధించిన ఓ వీడియో నెట్టింట తెగ వైరల్‌ అవుతోంది. రెండు రోజుల క్రితం అనుష్క బెంగళూరులోని ఓ హోటల్‌ లాబీలో విరాట్‌తో కలిసి నడుచుకుంటూ వెళ్లింది. అక్కడే ఉన్న కొందరు వీడియో తీసి సోషల్‌ మీడియాలో పోస్ట్‌ చేయడంతో అదికాస్తా వైరల్‌గా మారింది. వీడియోలో విరాట్ గ్రే కలర్ టీ-షర్ట్, బ్రౌన్కలర్ ప్యాంట్ ధరించగా.. అనుష్క బ్లాక్కలర్‌ వదులుగా ఉన్న ఫ్రాక్‌ను వేసుకున్నారు. డ్రెస్‌ కాస్త లూజ్‌గా ఉండటంతో బేబీ బంప్‌ ఉన్నట్లు వీడియోలో కనిపిస్తోంది. ఇది గమనించిన నెటిజన్లు అనుష్క మరోసారి ప్రెగ్నెంట్‌ అంటూ చెప్పుకుంటున్నారు. ప్రస్తుతం ఈ వీడియో ట్రెండింగ్‌లో ఉంది. కాగా, కోహ్లీ-అనుష్క దంపతులు 2017లో ప్రేమ వివాహం చేసుకున్నారు. ఇక 2021లో ఈ జంటకు వామిక జన్మించింది.