మిరాయి మెరుపులు

‘హను-మాన్‌'ఫేం తేజ సజ్జా నటిస్తున్న మోస్ట్‌ అవైటెడ్‌ పాన్‌ ఇండియా మూవీ ‘మిరాయ్‌'. ఇందులో తేజ సజ్జా సూపర్‌ యోధాగా కనిపించనున్నారు.

‘హను-మాన్‌’ఫేం తేజ సజ్జా నటిస్తున్న మోస్ట్‌ అవైటెడ్‌ పాన్‌ ఇండియా మూవీ ‘మిరాయ్‌’. ఇందులో తేజ సజ్జా సూపర్‌ యోధాగా కనిపించనున్నారు. కార్తీక్‌ ఘట్టమనేని దర్శకుడు. పీపుల్‌ మీడియా ఫ్యాక్టరీ పతాకంపై టీజీ విశ్వప్రసాద్‌, కృతి ప్రసాద్‌ నిర్మిస్తున్న ఈ చిత్రం 2డి, 3డి ఫార్మాట్‌లలో, ఎనిమిది భాషల్లో సెప్టెంబర్‌ 5న ప్రపంచవ్యాప్తంగా విడుదల కానుంది.

శనివారం హీరో తేజ సజ్జా పుట్టినరోజు. ఈ సందర్భంగా మేకర్స్‌ ఓ కొత్త పోస్టర్‌ని విడుదల చేశారు. ఇందులో సూపర్‌ యోధగా తేజ సజ్జా కనిపిస్తున్నారు. ఆయన పాత్రలో ఉండే పట్టుదల, ధైర్యం, ‘మిరాయి’ కథలో ఉండే హై వోల్టేజ్‌ డ్రామాను ఈ లుక్‌ ప్రజెంట్‌ చేస్తున్నది.

ఇప్పటికే విడుదల చేసిన ప్రచార చిత్రాలకు మంచి స్పందన వస్తున్నదని మేకర్స్‌ చెబుతున్నారు. ఈ సినిమా హిందీ వెర్షన్‌ను బాలీవుడ్‌ టాప్‌ ఫిల్మ్‌ మేకర్‌ కరణ్‌ జోహార్‌ విడుదల చేస్తున్న విషయం తెలిసిందే. మంచు మనోజ్‌ విలన్‌గా నటిస్తున్న ఈ చిత్రంలో రితికా నాయక్‌ కథానాయిక.

శ్రియ శరణ్‌, జయరామ్‌, జగపతిబాబు ఇతరపాత్రధారులు. ఈ చిత్రానికి మాటలు: మణిబాబు కరణం, సంగీతం: గౌరహరి. ఇదిలావుంటే.. ‘మిరాయ్‌’ చిత్రాన్ని నిర్మిస్తున్న పీపుల్‌ మీడియా సంస్థలోనే తేజ సజ్జా మరో సినిమా చేయబోతున్నారు. ఈ సినిమా కూడా ‘మిరాయ్‌’ తరహాలో భారీగానే ఉంటుందని శనివారం నిర్మాతలు ప్రకటించారు.