Suriya42 Motion Poster | తమిళంతో పాటు తెలుగులో కూడా సమానంగా క్రేజ్ దక్కించుకున్న నటుడు సూర్య. రజినీకాంత్. కమల్ హాసన్ తర్వాత ఆ స్థాయిలో తెలుగు ప్రేక్షకులకు సూర్య దగ్గరయ్యాడు. ‘శివ పుత్రుడు’, ‘యువ’ వంటి సినిమాలతో టాలీవుడ్కు దగ్గరైన సూర్య.. ‘గజిని’ సినిమాతో తెలుగు బాక్సాఫీస్ దగ్గర తన సత్తా ఎంటో నిరూపించుకున్నాడు. ఈ చిత్రంతో తెలుగులో ఈయనకు విపరీతమైన క్రేజ్తో పాటు మంచి మార్కెట్ ఏర్పడింది. అప్పటినుంచి ఈయన నటించిన సినిమాలన్ని తమిళంతో పాటు తెలుగులోనూ ఏకకాలంలో విడుదలవుతున్నాయి. ప్రస్తుతం ఈయన వరుసగా సినిమాలను సెట్స్పైకి తీసుకెళ్తున్నాడు. అందులో శివ దర్శకత్వంలో తెరకెక్కనున్న సినిమా ఒకటి. ఇటీవలే పూజా కార్యక్రమాలు పూర్తి చేసుకున్న చిత్రబృందం తాజాగా మోషన్ పోస్టర్ను విడుదల చేశారు.
లేటెస్ట్గా విడుదలైన మోషన్పోస్టర్ వేరే లెవల్లో ఉంది. మోషన్ పోస్టర్లోని గ్రాండియర్ విజువల్స్ చూస్తుంటే గూస్బంప్స్ వస్తున్నాయి. ముఖ్యంగా దేవి శ్రీ ప్రసాద్ బ్యాక్గ్రౌండ్ మ్యూజిక్ గ్లింప్స్కే హైలైట్గా నిలిచింది. ఈ చిత్రం పీరియాడిక్ డ్రామా నేపథ్యంలో తెరకెక్కనున్నట్లు మోషన్ పోస్టర్ చూస్తుంటే తెలుస్తుంది. అంతేకాకుండా ఈ సినిమా 3డీలో పది భాషల్లో రూపొందుతున్నట్లు వెల్లడించారు. సూర్య కెరీర్లోనే అత్యంత భారీ బడ్జెట్తో తెరకెక్కనున్నట్లు విజువల్స్ చూస్తే తెలుస్తుంది. ఈ చిత్రాన్ని యూవీ క్రియేషన్స్, స్టూడీయో గ్రీన్ సంస్థలు సంయుక్తంగా ఈ చిత్రాన్ని నిర్మిస్తున్నాయి. దేవీ శ్రీ ప్రసాద్ సంగీతం అందిస్తున్న ఈ చిత్రంలో సూర్యకు జోడీగా దిశా పటాని నటిస్తుంది.
Read Also:
RC15 Movie | శంకర్-రామ్చరణ్ మూవీలో తమిళ స్టార్ డైరెక్టర్..!
Ahimsa Movie | ఆసక్తి రేకెత్తిస్తున్న తేజ ‘అహింస’ గ్లింప్స్..!
Allu Arjun | ఆ పాన్ ఇండియా దర్శకుడితో అల్లుఅర్జున్ నెక్స్ట్ చిత్రం?
Vikram Veda | ‘విక్రమ్ వేద’ హిందీ ట్రైలర్ రిలీజ్.. !