RC15 Movie | శంక‌ర్‌-రామ్‌చ‌ర‌ణ్ మూవీలో తమిళ స్టార్ డైరెక్ట‌ర్‌..!

September 9, 2022 / 10:56 AM IST

S.J Surya in RC15 | ఇండియా గ‌ర్వించ ద‌గ్గ ద‌ర్శ‌కుల‌లో శంక‌ర్ ఒక‌రు. హీరోల‌తో సంబంధంలేకుండా కేవ‌లం పోస్ట‌ర్‌పైన ఈయ‌న పేరు క‌నబ‌డితే చాలు ప్రేక్ష‌కులు థియేట‌ర్‌ల‌కు ప‌రుగులు తీస్తుంటారు. ఇక‌ శంక‌ర్ త‌న‌ సినిమాల్లో ఎంట‌ర్టైన‌మెంట్‌తో పాటు ఒక మంచి సోష‌ల్ మేసేజ్ కూడా ఇస్తుంటాడు. ప్ర‌స్తుతం ఈయ‌న రామ్‌చ‌ర‌ణ్‌తో ‘RC15’ చేస్తున్నాడు. ‘ఆర్ఆర్ఆర్‌’తో చ‌ర‌ణ్‌కు అంత‌ర్జాతీయ స్థాయిలో గుర్తింపు వ‌చ్చింది. ఈ క్ర‌మంలో శంక‌ర్ RC 15పై మ‌రింత శ్ర‌ద్ధ తీసుకుంటున్నాడు. టెక్నీషియ‌న్స్, యాక్ట‌ర్స్ విష‌యంలో ఏ మాత్రం రాజీప‌డకుండా పేరున్ప‌ వాళ్ళ‌ని తీసుకుంటున్నాడు. తాజాగా ఈ చిత్రం కోసం మ‌రో స్టార్ యాక్ట‌ర్‌ను ఎంపిక‌చేశాడు.

ప్ర‌ముఖ ద‌ర్శ‌కుడు, న‌టుడు ఎస్‌.జే సూర్య‌ను ఈ చిత్రంలో కీల‌క‌పాత్ర కోసం ఎంపిక చేశారు. అంతేకాకుండా షూట్ వేసుకోని చేతిలో ఫైల్ ప‌ట్టుకుని స్టైలిష్‌గా న‌డుస్తున్న‌ట్లు పోస్ట‌ర్‌ను విడుద‌ల‌చేశారు. ఎస్‌.జే సూర్య ఈ చిత్రం భాగ‌మ‌వ‌డంతో సినిమాపై అంచ‌నాలు మ‌రింత పెరిగాయి. ఈ చిత్రంలో చ‌ర‌ణ్ రెండు విభిన్న గెట‌ప్‌ల‌లో క‌నిపించ‌నున్నాడు. ఇప్ప‌టికే చిత్రం నుండి లీకైన చ‌ర‌ణ్ ఫోటోల‌కు విశేష స్పంద‌న వ‌చ్చింది. వీలైనంత త్వ‌ర‌గా షూటింగ్ పూర్తి చేసి వ‌చ్చే ఏడాది ప్ర‌థ‌మార్థంలో సినిమాను విడుద‌ల చేయాల‌ని మేక‌ర్స్ ప్లాన్ చేస్తున్నారు. కియ‌రా అద్వాని హీరోయిన్‌గా న‌టిస్తున్న‌ ఈ చిత్రాన్ని శ్రీ వెంక‌టేశ్వ‌రా క్రియేష‌న్స్ ప‌తాకంపై దిల్‌రాజు, శిరిష్‌లు అత్యంత భారీ బ‌డ్జెట్‌తో నిర్మిస్తున్నారు.

Versatile actor @iam_SJSuryah joins our stellar cast!

Welcome on board sir @shankarshanmugh @AlwaysRamCharan @advani_kiara @yoursanjali @MusicThaman @DOP_Tirru @ramjowrites @saimadhav_burra @SVC_official #SVC50 #RC15 pic.twitter.com/Az5CQxIeta

— Sri Venkateswara Creations (@SVC_official) September 9, 2022