మహిళా జర్నలిస్ట్‌ పరిశోధన

తాప్సీ ప్రధాన పాత్రలో నటిస్తున్న తాజా చిత్రం ‘మిషన్‌ ఇంపాజిబుల్‌'. స్వరూప్‌ ఆర్‌ఎస్‌జే దర్శకుడు. నిరంజన్‌ రెడ్డి, అన్వేష్‌ రెడ్డి నిర్మాతలు. ఏప్రిల్‌ 1న ప్రేక్షకుల ముందుకురానుంది

తాప్సీ ప్రధాన పాత్రలో నటిస్తున్న తాజా చిత్రం ‘మిషన్‌ ఇంపాజిబుల్‌’. స్వరూప్‌ ఆర్‌ఎస్‌జే దర్శకుడు. నిరంజన్‌ రెడ్డి, అన్వేష్‌ రెడ్డి నిర్మాతలు. ఏప్రిల్‌ 1న ప్రేక్షకుల ముందుకురానుంది. ఈ సినిమా థియేట్రికల్‌ ట్రైలర్‌ను మంగళవారం అగ్రహీరో మహేష్‌బాబు విడుదల చేశారు. ఇందులో పరిశోధనాత్మక జర్నలిస్ట్‌ పాత్రలో తాప్సీ కనిపించింది. రాజకీయాల్లోని అవినీతిని బయటపెట్టే ధైర్యవంతురాలైన పాత్రికేయురాలిగా ఆమె పాత్ర సాగింది. అసాధ్యమనుకున్న ఓ ఆపరేషన్‌ను ఆమె ఎలా పూర్తి చేసిందన్నది చిత్రంలో ఆసక్తికరమైన అంశమని, తాప్సీ పాత్ర నవ్యరీతిలో సాగుతుందని దర్శకుడు తెలిపారు. సమాజంలో జరిగిన యథార్థ సంఘటనల ఆధారంగా ఈ సినిమాను తెరకెక్కించామని, యాక్షన్‌ థ్రిల్లర్‌గా ఆకట్టుకుంటుందని నిర్మాతలు పేర్కొన్నారు. ఈ చిత్రానికి కెమెరా: దీపక్‌, సంగీతం: మార్క్‌ కె రాబిన్‌, నిర్మాణ సంస్థ: మ్యాట్నీ ఎంటర్‌టైన్‌మెంట్‌, రచన-దర్శకత్వం: స్వరూప్‌.