Micheal Movie | షూటింగ్‌ పూర్తి చేసుకున్న మైఖేల్‌ మూవీ.. రిలీజ్‌ ఎప్పుడంటే?

టాలీవుడ్‌ యంగ్‌ హీరో సందీప్‌ కిషన్‌ కమర్షియల్‌ హీరోగా గుర్తింపు తెచ్చుకోవడానికి ఎంతో ప్రయత్నిస్తున్నాడు. గత కొన్నేళ్లుగా ఆయన సినిమాలను ప్రేక్షకులు ఆదరిస్తున్నా, బాక్సాఫీస్‌ దగ్గర భారీ విజయాలు సాధించలేకపోతున్నాయి.

Micheal Movie Shooting Wrapped up | టాలీవుడ్‌ యంగ్‌ హీరో సందీప్‌ కిషన్‌ కమర్షియల్‌ హీరోగా గుర్తింపు తెచ్చుకోవడానికి ఎంతో ప్రయత్నిస్తున్నాడు. గత కొన్నేళ్లుగా ఆయన సినిమాలను ప్రేక్షకులు ఆదరిస్తున్నా, బాక్సాఫీస్‌ దగ్గర భారీ విజయాలు సాధించలేకపోతున్నాయి. ఈ క్రమంలో రెండేళ్లు గ్యాప్ తీసుకుని మైఖేల్‌ వంటి పాన్‌ ఇండియా సినిమాతో ప్రేక్షకుల ముందుకు రావడానికి సిద్ధమయ్యాడు. రంజిత్‌ జయంకోడి దర్శకత్వం వహిస్తున్న ఈ సినిమాలో విజయ్‌ సేతుపతి కీలకపాత్ర పోషిస్తున్నాడు. ఇప్పటికే రిలీజైన పోస్టర్‌లు, టీజర్‌కు ప్రేక్షకుల నుండి విశేష స్పందన వచ్చింది. కాగా తాజాగా ఈ సినిమా షూటింగ్‌ పూర్తయింది.

ఈ సందర్భంలో చిత్రబృందం రిలీజ్‌ డేట్‌ను ప్రకటించింది. మైఖేల్‌ చిత్రాన్ని ఫిబ్రవరి 3న రిలీజ్‌ చేస్తున్నట్లు సందీప్‌ వెల్లడించాడు. కాగా ట్రైలర్‌ను జనవరి 21న పాన్‌ ఇండియా స్థాయిలో విడుదల చేస్తున్నట్లు తెలిపారు. యాక్షన్‌ థ్రిల్లర్‌ నేపథ్యంలో తెరకెక్కుతున్న ఈ సినిమాలో సందీప్‌కు జోడీగా దివ్యాంశ కౌశిక్‌ నటిస్తుంది. ప్రముఖ దర్శకుడు గౌతమ్‌ వాసుదేవ మీనన్‌ ప్రతినాయకుడి పాత్రలో కనిపించనున్నాడు. శ్రీ వెంక‌టేశ్వ‌రా సినిమాస్ ఎల్ఎల్‌పి,క‌ర‌ణ్ సి ప్రొడ‌క్ష‌న్స్ బ్యాన‌ర్ల‌పై పుస్కుర్‌ రామ్‌మోహ‌న్ రావు, భ‌ర‌త్ చౌద‌రీలు సంయుక్తంగా ఈ చిత్రాన్ని నిర్మిస్తున్నారు. తమిళ నటి వ‌ర‌ల‌క్ష్మీ శ‌ర‌త్‌కుమార్‌, వ‌రుణ్ సందేష్, అనసూయ కీల‌క‌పాత్రల్లో న‌టిస్తున్నారు.

Theatrical Trailer on Jan 21st😎

Team #Michael wraps the shoot on a high note ❤️‍🔥

Meet the Man who loved the hardest, In theatres this Feb 3rd 👊🏾#HappyMakarSankranti@sundeepkishan @VijaySethuOffl @Divyanshaaaaaa @jeranjit @SamCSmusic @SVCLLP @KaranCoffl @adityamusic pic.twitter.com/JC7hJpo6mR

— Sree Venkateswara Cinemas LLP (@SVCLLP) January 15, 2023