Alphonse Puthren | మలయాళ స్టార్ దర్శకుడు ఆల్ఫోన్స్ పుతిరన్ (Alphonse Puthren) డైరెక్షన్ నుంచి సినిమాల నుంచి రిటైర్మెంట్ ప్రకటిస్తున్నట్లు సంచలన ప్రకటన చేసిన విషయం తెలిసిందే. తనకు ఆటిజం స్పెక్ట్రమ్ డిజార్డర్ ఉందని అందుకే ఈ నిర్ణయం తీసుకున్నట్లు ఆల్ఫోన్స్ పుతిరన్ సోమవారం సోషల్ మీడియాలో తెలిపాడు. అయితే ఈ వార్త విని ఆయన అభిమానులు షాక్ అవుతున్నారు. ఆల్ఫోన్స్కు అండగా ఉంటామంటూ సందేశాలు పెడుతున్నారు. ఇక ఈ క్రమంలోనే.. సినీ దర్శకురాలు ఆకాశం నీ హద్దురా ఫేమ్ సుధా కొంగర (Sudha Kongara) ఆల్ఫోన్స్ పుతిరన్ రిటైర్మెంట్ పట్ల ఒక ఎమోషనల్ నోట్ పెట్టింది.
”డియర్ ఆల్ఫోన్స్ పుతిరన్. నేను మీ సినిమాలని మిస్ అవుతాను. ప్రేమమ్ నాకు ఎప్పటికీ ఇష్టమైన సినిమా. అది నన్ను నిస్పృహ నుండి ఉత్తేజితం చేసిన సినిమా. దాన్ని నేను ఎన్ని సార్లు అయిన చూడగలను. అది నన్ను ఒక వింత మనిషిని చేసింది, ప్రేమలో పడడం పట్ల మళ్ళీ ప్రేమలో పడేసింది. మీరు ఏ వేదిక పైన ప్రదర్శించిన మీ కళను నేను ఆస్వాదిస్తాను. దయ చేసి ఏదో ఒక రకంగా కొత్త కథలు సృష్టిస్తూ ఉండండి.” ప్రేమతో సుధా. అంటూ రాసుకోచ్చింది.
Dear @puthrenalphonse ,
I’m going to miss your cinema. Premam is my all time favourite and kept me alive at my lowest. I would watch it on loop. It made me, a total cynic, fall in love again with the idea of being in love. Please continue to create in any form and I will… pic.twitter.com/maeRMHMBlD
— Sudha Kongara (@Sudha_Kongara) October 31, 2023
నేను నా సినిమా, థియేటర్ కెరీర్ను ముగించుకుంటున్నాను. నాకు ఆటిజం స్పెక్ట్రమ్ డిజార్డర్ ఉందని నిన్న తెలిసింది. ఈ విషయంపై ఎవరిని బాధ పెట్టాలి అనుకోట్లేదు. నా సినిమా కెరీర్ను ముగించిన షార్ట్ ఫిల్మ్స్, వీడియోస్, సాంగ్స్ OTTలలో మూవీస్ చేస్తూ ఉంటాను. నాకు సినిమాల నుంచి దూరంగా పోవాలని లేదు. కానీ నాకు ఇంకో ఆప్షన్ లేదు. ఇక నేను నిలబెట్టుకోలేని వాగ్దానాన్ని చేయడం నాకు ఇష్టం లేదు. ఆరోగ్యం బలహీనంగా లేదా అనూహ్యంగా ఉన్నప్పుడు, లైఫ్ అనేది ఇలా ఇంటర్వెల్ పంచ్ వంటి ట్విస్ట్ను తెస్తుంది అంటూ పుతిరన్ గత సోమవారం సోషల్ మీడియాలో రాసుకోచ్చాడు.
Noted Malayalam dir #AlphonsePuthren has announced over social media that he will stop doing films for big screen “cinema theatres” due to “health reasons”! However will continue doing music videos & content for #OTT👇 pic.twitter.com/AUgEnGF1Qt
— Sreedhar Pillai (@sri50) October 30, 2023
ఇక ఆటిజం స్పెక్ట్రమ్ డిజార్డర్ (ASD) అనేది నాడీ సంబంధిత వ్యాధి. ఈ వ్యాధికి గురైన వ్యక్తులు ఇతరులతో మాట్లాడడానికి, వినడానికి, నేర్చుకోవడానికి ఇబ్బంది పడతారు. ఈ వ్యాధి ఏ వయసులో అయిన బయట పడవచ్చు. ముఖ్యంగా ఇది పిల్లలలో ఎక్కువగా కనిపిస్తుంది. ఫోన్ ఎక్కువగా చూసే పిల్లలు కూడా ఆటిజం స్పెక్ట్రమ్ డిజార్డర్ (ఏఎస్డీ) బారిన పడే ప్రమాదం అధికంగా ఉంది.
ఇక 2013లో నివిన్ పాలీతో చేసిన ‘నేరం’ సినిమాతో దర్శకుడిగా మలయాళ చిత్రసీమలోకి అడుగుపెట్టాడు ఆల్ఫోన్స్ పుతిరన్. అ తర్వాత 2015లో‘ప్రేమమ్’ సినిమాను తీశాడు. 2015లో విడుదలైన ఈ మూవీ బాక్సాఫీస్ వద్ద రికార్డులు సృష్టించింది. ఈ సినిమాలో సాయి పల్లవి చేసిన మలర్ పాత్ర ఆడియన్స్ను ఓ రేంజ్లో ఇంపాక్ట్ చేసింది. ఇక.. ఈ సినిమాతోనే తెలుగు ప్రేక్షకులు మలయాళం సినిమాలను చూడడం మొదలుపెట్టారంటే నమ్మక తప్పదు. ఇక ‘ప్రేమమ్’ వంటి బ్లాక్ బస్టర్ తర్వాత దాదాపు ఏడేళ్ళు గ్యాప్ తీసుకుని ‘గోల్డ్’ సినిమాతో మళ్ళీ మెగాఫోన్ పట్టాడు. ఇటీవలే రిలీజైన ఈ చిత్రం బాక్సాఫీస్ వద్ద డిజాస్టర్గా మిగిలింది.