భారత క్రికెటర్లు బాలీవుడ్ భామలతో డేటింగ్, లవ్ ఎఫైర్లు నడిపించడం సాధారణ విషయమే. బీటౌన్ హీరోయిన్లను పెళ్లి చేసుకున్న క్రికెటర్లు కూడా ఉన్నారు. అయితే స్టార్ క్రికెటర్లు మాత్రం హిందీ సినిమాల్లో నటించిన దాఖలాలు లేవు. ఆ లోటుని తాను భర్తీ చేస్తానంటున్నాడు ఓడీఐ కెప్టెన్ శిఖర్ ధవన్ (Shikhar Dhawan). తాజా అప్డేట్ ప్రకారం శిఖర్ ధవన్ తొలిసారి ఓ సినిమాలో మెరువబోతున్నాడు.
బాలీవుడ్ యాక్టర్లు సోనాక్షి సిన్హా, హ్యుమా ఖురేషి ప్రధాన పాత్రల్లో నటిస్తున్న హిందీ చిత్రం డబుల్ ఎక్స్ఎల్ (Double XL). ఈ మూవీలో చిన్న పాత్రలో కనిపించబోతున్నాడట. ఈ విషయాన్ని శిఖర్ ధవన్ స్వయంగా ఓ చిట్చాట్లో చెప్పాడు.
ఈ సినిమా గురించి మాట్లాడుతూ..’ఓ క్రీడాకారుడిగా దేశం తరపున ఆడటం చాలా కఠినంగా ఉంటుంది. నా గత స్మృతుల్లో ఒకటి మంచి వినోదాన్ని అందించే సినిమాలు చూడటం. నా దగ్గరకు సినిమా చేసే అవకాశం వచ్చినపుడు కథ వినగానే నాపై చాలా ప్రభావం చూపించింది. కథలో సమాజానికి మంచి సందేశాన్ని అందించే ఎలిమెంట్స్ ఉండటం వల్లే నేను సినిమాకు ఒప్పుకున్నానని’ చెప్పుకొచ్చాడు.
గతేడాది స్టార్ క్రికెటర్ హర్భజన్ సింగ్ తమిళ సినిమా ఫ్రెండ్షిప్తో ఇండస్ట్రీ ఎంట్రీ ఇచ్చిన విషయం తెలిసిందే. ఈ చిత్రంలో యాక్షన్ హీరో అర్జున్, సతీశ్ కీ రోల్స్ పోషించారు.
Read Also : Ammu Trailer | ఐశ్వర్యలక్ష్మి కొత్త సినిమా.. గృహహింస నేపథ్యంలో అమ్ము ట్రైలర్
Read Also : NKR19 Look | కల్యాణ్ రామ్ కొత్త సినిమా అప్డేట్..సర్ప్రైజ్ లుక్ అదిరింది
Read Also : Raghu Babu Look | రంగంపేట ప్రెసిడెంట్గా రఘుబాబు..జిన్నా నుంచి లేటెస్ట్ లుక్