Sreeleela | త్రివిక్రమ్ డైరెక్షన్‌లో అల్లు అర్జున్‌-శ్రీలీల.. వివరాలివే

పెళ్లి సందD సినిమాతో తెలుగు ప్రేక్షకులకు దగ్గరైంది శ్రీలీల (Sreeleela). ఈ భామ ప్రస్తుతం రవితేజతో కలిసి ధమాకా చిత్రంలో నటిస్తుంది. కాగా ఈ బ్యూటీకి సంబంధించిన వార్త ఒకటి టాక్‌ ఆఫ్ ది టౌన్‌గా నిలుస్తోంది.

November 27, 2022 / 07:55 PM IST

Sreeleela | త్రివిక్రమ్ డైరెక్షన్‌లో అల్లు అర్జున్‌-శ్రీలీల.. వివరాలివే

పెళ్లి సందD సినిమాతో తెలుగు ప్రేక్షకులకు దగ్గరైంది శ్రీలీల (Sreeleela). ఆ తర్వాత బ్యాక్ టు బ్యాక్ సినిమాలు చేస్తూ బిజీగా మారిపోయింది. ఈ భామ ప్రస్తుతం రవితేజతో కలిసి ధమాకా చిత్రంలో నటిస్తుంది. కాగా ఈ బ్యూటీకి సంబంధించిన వార్త ఒకటి టాక్‌ ఆఫ్ ది టౌన్‌గా నిలుస్తోంది. స్టైలిష్‌ స్టార్ అల్లు అర్జున్‌ (Allu Arjun)తో నటించే ఛాన్స్ కొట్టేసింది శ్రీలీల.

ఇంతకీ ఈ ఇద్దరు ఏ సినిమాతో వస్తుందనుకుంటున్నారా..? ఈ భామ బన్నీతో కలిసి నటిస్తోంది సినిమాలో కాదు.. కమర్షియల్ యాడ్‌లో. మాటల మాంత్రికుడు త్రివిక్రమ్ శ్రీనివాస్ (Trivikram) దర్శకత్వంలో లీడింగ్ ఓటీటీ ప్లాట్‌ఫాం ఆహా కోసం ఈ కమర్షియల్‌ యాడ్‌ను చిత్రీకరించారట. పాపులర్ సినిమాటోగ్రఫర్‌ రవి కే చంద్రన్‌ కెమెరామెన్‌గా పనిచేశారు. ఈ యాడ్‌ త్వరలోనే ఆన్‌లైన్‌లో సందడి చేయనుంది.

ప్రస్తుతం అల్లు అర్జున్‌ స్టార్ డైరెక్టర్ సుకుమార్‌తో పుష్ప.. ది రైజ్‌ షూటింగ్‌తో బిజీగా ఉన్నాడు. కన్నడ భామ రష్మిక మందన్నా మరోసారి బన్నీకి జోడీగా నటిస్తోంది. పుష్ప 2 చిత్రానిక దేవీ శ్రీ ప్రసాద్ మ్యూజిక్ అందిస్తున్నాడు. త్రివిక్రమ్‌ ప్రస్తుతం మహేశ్ బాబు హీరోగా ఎస్‌ఎస్‌ఎంబీ 28 సినిమా చేస్తున్నాడు. పూజాహెగ్డే హీరోయిన్‌గా నటిస్తోంది.