పెద్దలతోపాటు పిల్లలకూ నచ్చే సినిమా

‘ఈ క్యారెక్టర్‌ చేస్తున్నప్పుడు చాలా ఎక్సైట్‌ అయ్యాను. ఇందులో కొన్ని భారీ డైలాగులు కూడా చెప్పాను. వాటిని మీరు కచ్చితంగా ఎంజాయ్‌ చేస్తారు. కుటుంబంతో పాటు పిల్లలకు కూడా నచ్చే సినిమా ‘కామ్రేడ్‌ కళ్యాణ్‌'. ఈ కథలోని పాయింట్‌ సీరియస్‌గానే ఉంటుంది. దీన్ని ఏ భాషలో అయినా చేయొచ్చు. దానికి మేం నక్సల్స్‌ నేపథ్యాన్ని జోడించడంతో ఇంకాస్త అందం వచ్చింది. మంచి కమర్షియల్‌ ఎంటర్‌టైనర్‌ ఇది’ అని హీరో శ్రీవిష్ణు అన్నారు.

ఆయన కథానాయకుడిగా రూపొందిన ఎమోషనల్‌ ఎంటర్‌టైనర్‌ ‘కామ్రేడ్‌ కళ్యాణ్‌’. మహిమా నంబియార్‌ కథానాయిక. జానకిరామ్‌ మారెళ్ల దర్శకుడు. కృష్ణ కర్నాటి, సీతా కర్నాటి నిర్మాతలు. కోన వెంకట్‌ సమర్పకుడు. ఈ నెల 9న సినిమా విడుదల కానున్నది. ఈ సందర్భంగా గురువారం హైదరాబాద్‌లో నిర్వహించిన ప్రీరిలీజ్‌ ప్రెస్‌మీట్‌లో శ్రీవిష్ణు మాట్లాడారు. ‘ఈ రోజు మా ‘కామ్రేడ్‌ కల్యాణ్‌’.. రేపట్నుంచి కామెడీ కళ్యాణ్‌ అవుతాడు. ఈ సినిమాతో మాది రెండేళ్ల జర్నీ. ఒరిస్సా, తమిళనాడు, కర్నాటక రాష్ర్టాల్లో ఎవరూ తీయని లోకేషన్లలో ఈ సినిమా చిత్రీకరణ జరిపాం. ఎక్కడా రాజీపడలేదు. శ్రీవిష్ణు కెరీర్‌లోనే మోస్ట్‌ హిలేరియస్‌ ఎంటర్‌టైనర్‌గా నిలిచే సినిమా ఇది’ అని సమర్పకుడు కోనవెంకట్‌ చెప్పారు. ఇంకా దర్శకుడు జానకిరామ్‌, నిర్మాత వెంకటకృష్ణ కూడా మాట్లాడారు.