Visit:
Spirit | రెబల్ స్టార్ ప్రభాస్ హీరోగా సంచలన దర్శకుడు సందీప్ రెడ్డి వంగా తెరకెక్కిస్తున్న అత్యంత ప్రతిష్టాత్మక చిత్రం ‘స్పిరిట్’ మరోసారి టాలీవుడ్లో హాట్ టాపిక్గా మారింది. ఇప్పటికే ఈ భారీ ప్రాజెక్ట్పై అభిమానుల్లో, సినీ ప్రేక్షకుల్లో భారీ అంచనాలు ఉండగా.. తాజాగా సందీప్ రెడ్డి వంగా చేసిన వ్యాఖ్యలు ఆ అంచనాలను మరింత పెంచేశాయి.తాజాగా జరిగిన ‘రోమాంచకం’ మూవీ ట్రైలర్ లాంచ్ కార్యక్రమంలో ‘స్పిరిట్’ సెన్సార్ సర్టిఫికేషన్పై సందీప్ రెడ్డి వంగా ఆసక్తికర వ్యాఖ్యలు చేసినట్లు సమాచారం. ఈ సినిమాకు ‘A’ సర్టిఫికెట్ వచ్చే అవకాశం ఉందని ఆయన స్పష్టం చేయడంతో సోషల్ మీడియాలో దీనిపై పెద్ద ఎత్తున చర్చ జరుగుతోంది.
సందీప్ రెడ్డి వంగా అంటేనే ఎలాంటి కాంప్రమైజ్ లేకుండా తన కథను తెరపై చూపించే దర్శకుడిగా ప్రత్యేక గుర్తింపు తెచ్చుకున్నారు. ‘అర్జున్ రెడ్డి’, ‘కబీర్ సింగ్’, ‘యానిమల్’ చిత్రాలతో తనదైన మేకింగ్ స్టైల్ను ప్రేక్షకులకు పరిచయం చేశారు. ముఖ్యంగా పాత్రల్లోని తీవ్ర భావోద్వేగాలు, రా నేచర్, పవర్ఫుల్ క్యారెక్టరైజేషన్స్ ఆయన సినిమాలకు ప్రధాన బలంగా నిలుస్తుంటాయి. ఇప్పుడు అదే తరహాలో కాకుండా మరింత ఇంటెన్స్గా ‘స్పిరిట్’ను తెరకెక్కించబోతున్నారనే చర్చ జరుగుతోంది. కథకు అవసరమైన యాక్షన్, ఎమోషన్స్ విషయంలో ఎలాంటి రాజీ పడకుండా సందీప్ రెడ్డి వంగా తనదైన శైలిలో ఈ చిత్రాన్ని రూపొందిస్తున్నట్లు తెలుస్తోంది. దీంతో ఈ సినిమా కేవలం సాధారణ కమర్షియల్ ఎంటర్టైనర్గా కాకుండా.. ప్రభాస్ కెరీర్లో మరో విభిన్నమైన చిత్రంగా నిలిచే అవకాశాలున్నాయని అభిమానులు భావిస్తున్నారు.
‘స్పిరిట్’లో ప్రభాస్ ఓ పవర్ఫుల్ పోలీస్ ఆఫీసర్ పాత్రలో కనిపించనున్నట్లు ఇప్పటికే ప్రచారం జరుగుతోంది. భారీ యాక్షన్తో పాటు బలమైన ఎమోషనల్ డ్రామా కూడా ఈ కథలో కీలకంగా ఉండబోతుందని తెలుస్తోంది. ప్రభాస్ మాస్ ఇమేజ్కు, సందీప్ రెడ్డి వంగా రా మేకింగ్ స్టైల్కు కలయికగా వస్తున్న ఈ సినిమా పాన్ ఇండియా స్థాయిలో భారీ అంచనాలు ఏర్పరచుకుంది. ముఖ్యంగా ప్రభాస్ను సందీప్ రెడ్డి వంగా ఎలా ప్రజెంట్ చేయబోతున్నారు? ఆయన పాత్రలో ఎలాంటి కొత్త కోణాలు చూపించబోతున్నారు? అన్న ఆసక్తి అభిమానుల్లో నెలకొంది. భారీ స్థాయిలో తెరకెక్కుతున్న ‘స్పిరిట్’ ప్రస్తుతం షూటింగ్ దశలో ఉంది. ఈ సినిమాను 2027 మార్చిలో ప్రేక్షకుల ముందుకు తీసుకురావాలనే లక్ష్యంతో చిత్రబృందం పనిచేస్తున్నట్లు సమాచారం.
