Slum Dog | విజయ్ సేతుపతి – పూరి జగన్నాథ్ కాంబోలో ‘స్లమ్ డాగ్’.. కనుమ కానుకగా ఫస్ట్ లుక్ రిలీజ్

Slum Dog | మక్కల్ సెల్వన్ విజయ్ సేతుపతి హీరోగా, డైనమిక్ డైరెక్టర్ పూరి జగన్నాథ్ దర్శకత్వంలో సినిమా అనౌన్స్ అయినప్పటి నుంచే ప్రేక్షకుల్లో భారీ అంచనాలు నెలకొన్న సంగతి తెలిసిందే. పూరి స్టైల్ మాస్ నేరేటివ్‌కి, విజయ్ సేతుపతి పవర్‌ఫుల్ యాక్టింగ్ కలిస్తే ఎలాంటి అవుట్‌పుట్ వస్తుందన్న ఆసక్తి సినీ వర్గాల్లో గట్టిగా కనిపించింది.

Slum Dog | మక్కల్ సెల్వన్ విజయ్ సేతుపతి హీరోగా, డైనమిక్ డైరెక్టర్ పూరి జగన్నాథ్ దర్శకత్వంలో సినిమా అనౌన్స్ అయినప్పటి నుంచే ప్రేక్షకుల్లో భారీ అంచనాలు నెలకొన్న సంగతి తెలిసిందే. పూరి స్టైల్ మాస్ నేరేటివ్‌కి, విజయ్ సేతుపతి పవర్‌ఫుల్ యాక్టింగ్ కలిస్తే ఎలాంటి అవుట్‌పుట్ వస్తుందన్న ఆసక్తి సినీ వర్గాల్లో గట్టిగా కనిపించింది. అయితే ఈ ప్రాజెక్ట్ నుంచి టైటిల్, ఫస్ట్ లుక్ విషయంలో మేకర్స్ చాలా కాలంగా సస్పెన్స్ మెయింటేన్ చేశారు. ఆ సస్పెన్స్‌కు నేడు తెరపడింది. కనుమ పండుగ సందర్భంగా, అలాగే విజయ్ సేతుపతి పుట్టినరోజు కానుకగా ఈ సినిమాకు సంబంధించిన టైటిల్‌తో పాటు ఫస్ట్ లుక్ పోస్టర్‌ను మేకర్స్ అధికారికంగా విడుదల చేశారు. ఈ సినిమాకు “స్లమ్ డాగ్” అనే ఇంట్రెస్టింగ్ అండ్ పవర్‌ఫుల్ టైటిల్‌ను లాక్ చేయగా, ఫస్ట్ లుక్ కూడా అదే స్థాయిలో ఆసక్తిని రేకెత్తిస్తోంది.

ఫస్ట్ లుక్ పోస్టర్‌లో విజయ్ సేతుపతి ఓ అంధుని పాత్రలో కనిపించడం ప్రధాన ఆకర్షణగా మారింది. కళ్లకు చూపు లేని పాత్రలో ఉన్నప్పటికీ, చేతిలో కత్తి పట్టుకుని ఉన్న అతని లుక్ సినిమా కథలో బలమైన కాన్‌ఫ్లిక్ట్, ఇంటెన్స్ ఎమోషన్స్ ఉండబోతున్నాయనే సంకేతాన్ని ఇస్తోంది. సాధారణంగా చూసిన పాత్రలకు భిన్నంగా, పూర్తి స్థాయి పెర్ఫార్మెన్స్ ఓరియెంటెడ్ రోల్‌లో విజయ్ సేతుపతి కనిపించబోతున్నాడని ఫస్ట్ లుక్ స్పష్టంగా చెబుతోంది. పూరి జగన్నాథ్ సినిమాలంటే మాస్, రా అండ్ రియలిస్టిక్ టోన్‌కు కేరాఫ్ అడ్రెస్. అలాంటి దర్శకుడు, తనదైన నటనతో ప్రేక్షకులను ఆకట్టుకునే విజయ్ సేతుపతితో కలిసి ‘స్లమ్ డాగ్’ను తెరకెక్కించడం అంటే కథ, పాత్రలు చాలా డిఫరెంట్‌గా ఉండబోతున్నాయన్న అంచనాలు పెరిగాయి. ముఖ్యంగా అంధ పాత్రలో హీరోను చూపిస్తూ, అతని చేతిలో ఆయుధం ఇవ్వడం వెనుక కథాపరంగా బలమైన మలుపులు ఉండనున్నాయని టాక్ వినిపిస్తోంది.

ఈ సినిమాకు హర్షవర్ధన్ రామేశ్వర్ సంగీతం అందిస్తున్నాడు. పూరి సినిమాలకు ఆయన ఇచ్చిన బ్యాక్‌గ్రౌండ్ స్కోర్ గతంలోనే ప్రత్యేక గుర్తింపు తెచ్చుకుంది. ఈ కాంబో మరోసారి ఇంటెన్స్ మ్యూజికల్ ఎక్స్‌పీరియన్స్ ఇవ్వనుందని అభిమానులు భావిస్తున్నారు. ఇక పూరి జగన్నాథ్, ఛార్మీ కౌర్ కలిసి ఈ చిత్రాన్ని నిర్మిస్తున్నారు. మొత్తానికి ‘స్లమ్ డాగ్’ ఫస్ట్ లుక్‌తోనే సినిమాపై క్యూరియాసిటీని పెంచేసింది. టైటిల్‌కు తగ్గట్టుగా రా, రియలిస్టిక్, పవర్‌ఫుల్ కథతో పూరి – విజయ్ సేతుపతి కాంబో ప్రేక్షకుల ముందుకు రాబోతుందా అనే ఉత్సుకత ఇప్పుడు టాలీవుడ్‌తో పాటు కోలీవుడ్‌లో కూడా చర్చనీయాంశంగా మారింది.