Siren Movie | తమిళ నటుడు జయం రవి (Jayam Ravi), కీర్తి సురేష్ (Keerthy Suresh) ప్రధాన పాత్రల్లో వచ్చిన చిత్రం ‘సైరన్’ (Siren). ఈ సినిమాకు అన్నాత్తే, విశ్వాసం, హీరో చిత్రాలకు రచయితగా చేసిన ఆంటోనీ భాగ్యరాజ్(Antony Baghyaraj) దర్శకత్వం వహించాడు. గతేడాది డిసెంబర్లో రిలీజ్ చేయాలనుకున్న ఈ సినిమాను పలు వాయిదాల తర్వాత తమిళంలో ఫిబ్రవరి 16న ప్రేక్షకుల ముందుకు తీసుకొచ్చారు. అయితే టాక్ బాగా లేకపోవడంతో ఆశించిన ఫలితాన్ని ఇవ్వలేకపోయింది. ఇక తెలుగులో ఈ సినిమాను వాయిదా వేశారు. అయితే ఈ సినిమా వచ్చి మూడు నెలలు దాటిన ఇప్పటివరకు ఓటీటీలో విడుదల కాలేదు. ఈ చిత్రం ఓటీటీలోకి ఎప్పుడు వస్తుందా అని ప్రేక్షకులు ఎదురుచూస్తుండగా తీపి కబురు అందించారు మేకర్స్.
తమిళంతో పాటు తెలుగులో ఈ సినిమా ఓటీటీ రిలీజ్ డేట్ను అనౌన్స్ చేశారు. ప్రముఖ ఓటీటీ వేదిక డిస్నీ ప్లస్ హాట్స్టార్లో ఈ చిత్రం ఏప్రిల్ 19 నుంచి స్ట్రీమింగ్ కానుంది. తెలుగు, తమిళ, కన్నడ, మలయాళ, హిందీ భాషల్లో సైరన్ అందుబాటులోకి రానున్నట్లు ప్రకటించారు.
Most Awaited #Siren Tamil Movie Sets to Premeire on April 19 In Disney plus Hotstar
Also in Telugu Tamil Malayalam Kannada Hindi pic.twitter.com/FO2PvLHmqh
— SRS CA TV (@srs_ca_tv) April 9, 2024
ఈ చిత్రంలో జయం రవి, కీర్తి సురేష్తో పాటు, అనుపమ పరమేశ్వరన్, సముద్రఖని, యోగి బాబు, తులసి తదితరులు నటించారు. ఈ చిత్రానికి సంగీతం: జి.వి.ప్రకాష్ కుమార్, సినిమాటోగ్రఫీ: సెల్వ కుమార్ ఎస్.కె, ఎడిటింగ్: రూబెన్. స్టంట్ కొరియోగ్రఫీ దిలీప్ సుబ్బరాయన్. సుజాత విజయకుమార్ నిర్మిస్తున్న ఈ చిత్రం డిసెంబర్లో థియేటర్లలోకి రానుంది.