OG | మొదలైంది.. ఈసారి ముగిద్దాం.. ఓజీపై చిత్ర యూనిట్‌ ఇంట్రెస్టింగ్‌ ట్వీట్‌
అగ్ర హీరో పవన్‌కల్యాణ్‌ ఏపీ పాలిటిక్స్‌లో బిజీగా ఉండటం వల్ల.. ఆయన ముందుగా ఒప్పుకున్న సినిమాలు ఆలస్యం అవుతూవచ్చాయి. వాటిల్లో ఒకటైన ‘హరిహరవీరమల్లు’ సినిమా షూటింగ్‌ని ఇటీవలే పూర్తి చేసిన పవన్‌కల్యాణ్‌... ఇప్పుడు ‘ఓజీ’ సెట్‌లోకి ఎంట్రీ ఇచ్చారు.
OG | అగ్ర హీరో పవన్‌కల్యాణ్‌ ఏపీ పాలిటిక్స్‌లో బిజీగా ఉండటం వల్ల.. ఆయన ముందుగా ఒప్పుకున్న సినిమాలు ఆలస్యం అవుతూవచ్చాయి. వాటిల్లో ఒకటైన ‘హరిహరవీరమల్లు’ సినిమా షూటింగ్‌ని ఇటీవలే పూర్తి చేసిన పవన్‌కల్యాణ్‌… ఇప్పుడు ‘ఓజీ’ సెట్‌లోకి ఎంట్రీ ఇచ్చారు. ఈ విషయాన్ని ఆ చిత్ర యూనిట్‌ అధికారికంగా ప్రకటించలేదు కానీ.. ‘మళ్లీ మొదలైంది.. ఈసారి ముగిద్దాం..’ అనే క్యాప్షన్‌ని తమ సోషల్‌ మీడియాలో పోస్ట్‌ చేసి పవర్‌స్టార్‌ అభిమానులకు శుభవార్త పాస్‌ చేసింది. అలాగే ఈ షెడ్యూల్‌లోనే చిత్రీకరణ పూర్తి చేయనున్నట్టు హింట్‌ కూడా ఇచ్చారు.
షూటింగ్‌కి సంబంధించిన ఫొటోను కూడా పోస్ట్‌లో జత చేశారు. సుజిత్‌ దర్శకత్వంలో రూపొందుతున్న ఈ గ్యాంగ్‌ స్టర్‌ యాక్షన్‌ థ్రిల్లర్‌లో పవన్‌కల్యాణ్‌ సరసన ప్రియాంక మోహన్‌ నటిస్తున్నారు. బాలీవుడ్‌ నటుడు ఇమ్రాన్‌ హష్మీ ఇందులో విలన్‌గా నటిస్తున్న విషయం తెలిసిందే. డీవీవీ ఎంటైర్టెన్మెంట్స్‌ పతాకంపై డీవీవీ దానయ్య నిర్మిస్తున్న ఈ చిత్రానికి కెమెరా: రవి కె.చంద్రన్‌, సంగీతం: ఎస్‌.థమన్‌.
Read Today's Latest Cinema News in Telugu and Telugu News
- Follow Us :
-
