కొత్త కథకు గ్రీన్‌ సిగ్నల్‌?

ఇటీవలే వైవాహిక జీవితంలోకి అడుగుపెట్టిన అగ్రహీరో విజయ్‌ దేవరకొండ.. నిదానంగా మళ్లీ కెరీర్‌పై దృష్టి సారించారు. ప్రస్తుతం ఆయన చేతిలో రెండు సినిమాలున్నాయి. వాటిలో ఒకటి రాహుల్‌ సంకృత్యాన్‌ ‘రణబాలి’ కాగా, రెండోది రవికిరణ్‌ కోలా ‘రౌడీ జనార్దన’.

ఇటీవలే వైవాహిక జీవితంలోకి అడుగుపెట్టిన అగ్రహీరో విజయ్‌ దేవరకొండ.. నిదానంగా మళ్లీ కెరీర్‌పై దృష్టి సారించారు. ప్రస్తుతం ఆయన చేతిలో రెండు సినిమాలున్నాయి. వాటిలో ఒకటి రాహుల్‌ సంకృత్యాన్‌ ‘రణబాలి’ కాగా, రెండోది రవికిరణ్‌ కోలా ‘రౌడీ జనార్దన’. ప్రస్తుతం ఈ రెండు సినిమాలూ నిర్మాణ దశలో ఉన్నాయి. ఇప్పుడు తాజాగా విజయ్‌ మరో సినిమాకు సంతకం చేసినట్టు తెలుస్తోంది. నానితో ‘హాయ్‌ నాన్న’ వంటి ఎమోషనల్‌ లవ్‌స్టోరీని తెరకెక్కించిన శౌర్యువ్‌ ఈ చిత్రానికి దర్శకత్వం వహిస్తారట.

నిజానికి ‘హాయ్‌ నాన్న’ తర్వాత ఎన్టీఆర్‌ కోసం ఓ కథ రాసుకున్నాడు శౌర్యువ్‌. తారక్‌కు ఉన్న కమిట్‌మెంట్స్‌ వల్ల అది వర్కవుట్‌ కాలేదు. ఇప్పుడు అదే కథను విజయ్‌కు వినిపించాడని, విజయ్‌కు కూడా కథ నచ్చడంతో గ్రీన్‌ సిగ్నల్‌ ఇచ్చాడని ఓ వార్త ఫిల్మ్‌ సర్కిల్స్‌లో బలంగా వినిపిస్తున్నది. ‘హాయ్‌ నాన్న’ వంటి క్లాస్‌ మూవీతో ప్రేక్షక హృదయాలను టచ్‌ చేసిన శౌర్యవ్‌.. ఈసారి మాత్రం భారీ యాక్షన్‌ స్క్రిప్ట్‌నే సిద్ధం చేశాడట. ప్రతిష్టాత్మక కెవిఎన్‌ ప్రొడక్షన్స్‌ సంస్థ ఈ చిత్రాన్ని నిర్మించనున్నదని సమాచారం. దీనికి సంబంధించిన అధికారిక ప్రకటన త్వరలో రానున్నది.