Visit:
Shiva | అక్కినేని నాగార్జున కెరీర్‌లో నిలిచిపోయే కల్ట్ క్లాసిక్ మూవీ ‘శివ’. రామ్ గోపాల్ వర్మ దర్శకత్వంలో రూపొందిన ఈ చిత్రం 1989లో విడుదలై, తెలుగు సినిమా రంగానికి సరికొత్త దిశ చూపించింది. అప్పటి వరకూ ఒకే తరహా ఫార్ములా సినిమాలతో కొనసాగుతున్న టాలీవుడ్‌కు కొత్త శకాన్ని తెచ్చింది. అందుకే తెలుగు సినీ చరిత్రలో ‘శివ’కు ముందు, ‘శివ’ తర్వాత అనే భావన ప్రబలంగా ఉంటుంది. ఇప్పుడు ఆ సంచలన చిత్రం మళ్లీ తెరపైకి రానుంది. అన్నపూర్ణ స్టూడియోస్ స్థాపించి 50 ఏళ్లు పూర్తవుతున్న సందర్భాన్ని పురస్కరించుకుని ‘శివ’ను 4K డాల్బీ అట్మాస్ సౌండ్‌తో రీ-రిలీజ్ చేయనున్నట్లు నాగార్జున అధికారికంగా ప్రకటించారు. ఈ సందర్భంగా ఓ స్పెషల్ అనౌన్స్‌మెంట్ వీడియోను సోషల్ మీడియా ద్వారా షేర్ చేశారు.
“హలో మై ఫ్రెండ్స్! మోస్ట్ ఐకానిక్ మూవీ ‘శివ’ని తిరిగి తెరపైకి తీసుకువస్తున్నాం. 4K డాల్బీ అట్మాస్ సౌండ్‌తో విడుదల చేస్తాం. త్వరలో మీ ముందుకు రానుంది. ఆగస్టు 14 నుంచి కూలీ సినిమా ప్ర‌ద‌ర్శించే థియేట‌ర్స్‌లో శివ ట్రైల‌ర్‌ని కూడా ప్ర‌ద‌ర్శించ‌నున్నారు అని చెప్పుకొచ్చాడు. శివ సినిమా రీరిలీజ్ కాబోతుందనే శుభవార్తతో పాటు.. కూలీ సినిమా థియేటర్ లోనే శివ 4కె ట్రైలర్ ను రిలీజ్ చేయబోతున్నట్లు అధికారికంగా ప్ర‌క‌టించ‌డంతో అభిమానుల ఆనందానికి అవ‌ధులు లేవు. ఇప్పటి టెక్నాలజీకి తగ్గట్లు 4K డాల్బీ అట్మోస్ సౌండ్ తో ఈ ట్రైలర్ ఉండబోతుండ‌గా, ఈ ట్రైలర్ కోసం ఫ్యాన్స్ ఎంతో ఆస‌క్తిగా ఎదురు చూస్తున్నారు. అయితే మూవీ రిలీజ్ డేట్ ఎప్పుడు అనేది మాత్రం ఇంకా ప్ర‌క‌టించ‌లేదు.
రామ్ గోపాల్ వర్మ ఈ రీ-రిలీజ్‌పై స్పందిస్తూ,”చైన్ ఈజ్ బ్యాక్! ఈసారి డాల్బీ అట్మాస్‌లో నాగార్జున పంచ్ మరింత బిగ్గరగా వినిపిస్తుంది. మీ దవడను కాపాడుకోండి!” అంటూ ట్వీట్ చేశారు.దీనికి నాగార్జున స్పందిస్తూ,”ఇది నీ శివ, మై డియర్ ఫ్రెండ్.”అని రిప్లై ఇవ్వగా, వర్మ “నువ్వు శివగా లేకపోతే ఎప్పటికీ నా శివ పుట్టేది కాదు అని స్పందించారు. రీ-రిలీజ్ కోసం ఫ్యాన్స్ ఎంతకాలంగా ఎదురుచూస్తున్నారో తెలిసిందే. రీ-రిలీజ్ ట్రెండ్ ఊపందుకున్న‌ప్ప‌టి నుంచీ ‘శివ’ 4K వెర్షన్ రావాలంటూ సోషల్ మీడియాలో నిరంతరం డిమాండ్స్ కొనసాగుతూనే ఉన్నాయి. చివరకు అభిమానుల ఆకాంక్షలు నెరవేరబోతున్నాయి. ఈ చిత్రంలో నాగార్జున సరసన అమల హీరోయిన్‌గా నటించగా, రఘువరన్ ప్రతినాయకుడిగా మెప్పించారు. జేడీ చక్రవర్తి, తనికెళ్ల భరణి, చిన్నా, శుభలేఖ సుధాకర్, నగేష్ లాంటి ప్రముఖులు కీలక పాత్రల్లో నటించారు. ఇళయరాజా సంగీతం అందించగా, ఎస్. గోపాల్ రెడ్డి సినిమాటోగ్రఫీ నిర్వహించారు.36 ఏళ్ల తర్వాత ‘శివ’ మళ్లీ థియేటర్లలోకి రానుండడం సినీ ప్రేమికులకు పండగే.
#50YearsOfAnnapurna
Hello my friends !
we are bringing back the most iconic film SHIVA🔥and for the first time time in 4K DOLBY ATMOS sound💥SHIVA TRAILER WITH#COOLIE on 14 th August!!
Shiva the film very soon😊#Shiva4KInDolbyAtmos #AnrLivesOn #Shiva4K pic.twitter.com/tVzPEYQPTB
— Nagarjuna Akkineni (@iamnagarjuna) August 8, 2025
