శర్వానంద్‌తో క్రేజీ కామెడీ మూవీ?

తినేవాడి పేరు గింజలపై రాసి ఉన్నట్టు.. నటించేవాడి పేరు కథలపై ముందే రాసుంటుందేమో!. ఒక హీరో కోసం అనుకున్న కథలో మరో హీరో నటించడంలో పరమార్థం ఇదే అయ్యుంటుంది.

తినేవాడి పేరు గింజలపై రాసి ఉన్నట్టు.. నటించేవాడి పేరు కథలపై ముందే రాసుంటుందేమో!. ఒక హీరో కోసం అనుకున్న కథలో మరో హీరో నటించడంలో పరమార్థం ఇదే అయ్యుంటుంది. ఆ మధ్య నితిన్‌ కోసం దర్శకుడు శ్రీనువైట్ల ఓ కథ రాసుకున్నాడు. వినిపించి ఓకే చేసుకున్నాడు కూడా. కానీ ఏమైందో ఏమో.. ఆ ప్రాజెక్ట్‌ పట్టాలకెక్కలేదు. ఇప్పుడు అదే కథ శర్వానంద్‌ దగ్గరకెళ్లింది.

ఆయన గ్రీన్‌ సిగ్నల్‌ ఇచ్చేశారు. ప్రస్తుతం సంపత్‌నంది దర్శకత్వంలో ఓ సినిమా, అభిలాష్‌ కంకర దర్శకత్వంలో మరో సినిమా చేస్తూ శర్వా బిజీగా ఉన్నారు. ఈ సినిమా తర్వాత శ్రీనువైట్ల సినిమాను పట్టాలెక్కించాలని శర్వా భావిస్తున్నారట.

ప్రస్తుతం శర్వానంద్‌ చేస్తున్న రెండు సినిమాలూ సీరియస్‌ మోడ్‌లో ఉంటాయట. వాటికి భిన్నమైన సినిమా చేయాలనే శ్రీనువైట్ల కథను ఓకే చేశారట శర్వానంద్‌. ఈ కథ శ్రీను వైట్ల మార్క్‌ వినోదంతో అద్భుతమైన ఎంటర్‌టైన్మెంట్‌తో సాగుతుందట. త్వరలోనే ఈ ప్రాజెక్ట్‌ని అఫీషియల్‌గా అనౌన్స్‌ చేస్తారని తెలిసింది.