ఓవర్సీస్‌ డీల్‌లో ‘కింగ్‌’ రికార్డ్‌

అగ్ర హీరో షారుఖ్‌ఖాన్‌ నటిస్తున్న తాజా చిత్రం ‘కింగ్‌' విడుదలకు ముందే భారీ ఓవర్సీస్‌ ఒప్పందంతో వార్తల్లో నిలుస్తున్నది.

అగ్ర హీరో షారుఖ్‌ఖాన్‌ నటిస్తున్న తాజా చిత్రం ‘కింగ్‌’ విడుదలకు ముందే భారీ ఓవర్సీస్‌ ఒప్పందంతో వార్తల్లో నిలుస్తున్నది. ఈ సినిమా ఓవర్సీస్‌ థియేట్రికల్‌ హక్కులను దుబాయ్‌కి చెందిన ఫార్స్‌ ఫిల్మ్స్‌ 175కోట్లకు దక్కించుకున్నట్లు తెలిసింది. ఇప్పటివరకు భారతీయ సినిమాలకు లభించిన విదేశీ పంపిణీ హక్కుల కనీస హామీ ఒప్పందాల్లో ఇదే అత్యధికమని ట్రేడ్‌ వర్గాలు వెల్లడించాయి.

ఈ ఒప్పందం వల్ల నిర్మాతలపై కొంత ఆర్థిక భారం తగ్గే అవకాశం ఉంటుదని చెబుతున్నారు. సిద్థార్థ్‌ ఆనంద్‌ దర్శకత్వ వహిస్తున్న యాక్షన్‌ ఎంటర్‌టైనర్‌ ‘కింగ్‌’ డిసెంబర్‌ 24న ప్రేక్షకుల ముందుకురానుంది. ఈ సినిమాలో దీపికా పడుకోన్‌, షారుఖ్‌ఖాన్‌ తనయ సుహానా ఖాన్‌, అభిషేక్‌ బచ్చన్‌, అనిల్‌ కపూర్‌, రాణీ ముఖర్జీ తదితరులు ముఖ్య పాత్రల్ని పోషిస్తున్నారు.