గ్రామీణ యువతి పాత్రలో..

తమిళ అగ్ర హీరో శివకార్తికేయన్‌ నటిస్తున్న తాజా చిత్రం ‘సెయాన్‌'. శివకుమార్‌ మురుగేశన్‌ దర్శకత్వం వహిస్తున్న ఈ చిత్రాన్ని కమల్‌హాసన్‌, ఆర్‌.మహేంద్రన్‌ నిర్మిస్తున్నారు.

తమిళ అగ్ర హీరో శివకార్తికేయన్‌ నటిస్తున్న తాజా చిత్రం ‘సెయాన్‌’. శివకుమార్‌ మురుగేశన్‌ దర్శకత్వం వహిస్తున్న ఈ చిత్రాన్ని కమల్‌హాసన్‌, ఆర్‌.మహేంద్రన్‌ నిర్మిస్తున్నారు. ఈ సినిమాలో కథానాయికగా భాగ్యశ్రీ బోర్సే నటిస్తున్నట్లు మేకర్స్‌ తెలిపారు. బుధవారం ఆమె జన్మదినం సందర్భంగా ఫస్ట్‌లుక్‌ పోస్టర్‌ను విడుదల చేశారు. ఇందులో ఆమె సంప్రదాయ వస్త్రధారణలో డివోషనల్‌ టచ్‌తో కనిపిస్తున్నది.

మురుగన్‌స్వామిని (కార్తికేయుడు) స్ఫురించేలా ఆమె కూర్చున్న విధానం ఆసక్తినిరేకెత్తిస్తున్నది. ఈ సినిమాలో ఆమె ఆత్మవిశ్వాసం మూర్తీభవించిన గ్రామీణ యువతి పాత్రలో కనిపిస్తుందని, ఆమె క్యారెక్టర్‌ భిన్న పార్శాల్లో సాగుతుందని మేకర్స్‌ తెలిపారు. రూరల్‌ బ్యాక్‌డ్రాప్‌లో యాక్షన్‌ ఎంటర్‌టైనర్‌గా ఈ చిత్రాన్ని తెరకెక్కిస్తున్నారు. ఈ చిత్రానికి సంతోష్‌ నారాయణన్‌ సంగీతాన్నందిస్తున్నారు.